भावस्य चोदयः सन्धिः शबलत्वमिति त्रायः ।
अष्टौ प्रमाणालङ्काराः प्रत्यक्षप्रमुखाः क्रमात्॥ ।
एवं पञ्चदशान्यानप्यलङ्कारान् विदुर्बुधाः ।
१०१ तत्रा रसवदलङ्कारः ।
तत्रा रसवदुदाहरणम्- ।
मुनिर्जयति योगीन्द्रो महात्मा कुम्भसम्भवः ।
येनैकचुलके दृष्टौ दिव्यौ तौ मत्स्यकच्छपौ॥ ।
१०२ प्रेयोलङ्कारः ।
प्रेयोलङ्कार एव भावालङ्कार उच्यते। स यथा (गं.लं.)- ।
कदा वाराणस्याममरतटिनीरोधसि वसन् ।
वसानः कौपीनं शिरसि निदधानोऽञ्जलिपुटम् ।
अये गौरीनाथ त्रिपुरहर शम्भो त्रिनयन् ! ।
प्रसीदेत्याक्रोशन्निमिषमिव नेष्यामि दिवसान्॥ ।
१०३ ऊर्जस्व्यलङ्कारः ।
ऊर्जस्वि यथा,- ।
त्वत्प्रत्यर्थिवसुन्धरेशतरुणीः सन्त्रासतः सत्वरं ।
यान्तीर्वीर ! विलुण्ठितंु सरभसं याताः किराता वने ।
तिष्ठन्ति स्तिमिताः प्ररूढपुलकास्ते विस्मृतोपक्रमा- ।
स्तासामुत्तरलैः स्तनैरतितरां लोलैरपाङ्गैरपि॥ ।
१०४ समाहितालङ्कारः ।
समाहितं यथा- ।
पश्यामः किमियं प्रपद्यत इति स्थैर्यं मयालम्बितं ।
किं मां नालपतीत्ययं खलु शठः कोपस्तयाप्याश्रितः ।
इत्यन्योन्यविलक्षदृष्टिचतुरे तस्मिन्नवस्थान्तरे ।
सव्याजं हसितं मया धृतिहरो मुक्तस्तु बाष्पस्तया॥ ।
अत्रा शृङ्गारस्य कोपशान्तिरङ्गम्॥ ।
१०५ भावोदयालङ्कारः ।
भावोदयो यथा (नैषध. ९/६६)- ।
तदद्य विश्रम्य दयालुरेधि मे दिनं निनीषामी भवद्विलोकिनी ।
अदर्शि पादेन विलिख्य पत्रिणा तवैव रूपेण समः स मत्प्रियः॥ ।
अत्रा नलं प्रति दमयन्त्या औत्सुक्यरूपभावस्योदयः शृङ्गाररसस्याङ्गम्॥ ।
१०६ भावसन्ध्यलङ्कारः ।
भावसन्धिर्यथा- ।
एकाभूत् कुसुमायुधेषुधिरिव प्रव्यक्तपुङ्खावली ।
जेतुर्मङ्गलपालिकेव पुलकैरन्या कपोलस्थली ।
लोलाक्षीं क्षणमात्राभाविविरहक्लेशासहां पश्यतो ।
द्रागाकर्णयतश्च वीर ! भवतः प्रौढाहवाडम्बरम्॥ ।
अत्रा रमणीप्रेम रणौत्सुक्ययोः सन्धिः प्रभुविषयभावस्याङ्गम्॥ ।
१०७ भावशबलालङ्कारः ।
भावशबलं यथा- ।
क्वाकार्यं शशलक्ष्मणः क्व च कुलं?, भूयोऽपि दृश्येत सा, ।
दोषाणां प्रशमाय नः श्रुतमहो कोपेऽपि कान्तं मुखम् ।
किं वक्ष्यन्त्यपकल्मषाः कृतधियः, स्वप्नेऽपि सा दुर्लभा, ।
चेतः ! स्वास्थ्यमुपैहि, कः खलु युवा धन्योऽधरं धास्यति?॥ ।
१०८ प्रत्यक्षालङ्कारः ।
प्रमाणालङ्कारे प्रत्यक्षं यथा- ।
क्रान्तकान्तवदनप्रतिबिम्बे भग्नबालसहकारसुगन्धौ ।
स्वादुनि प्रणदितालिनि शीते निर्ववार मधुनीन्द्रियवर्गः॥ ।
१०९. अनुमानालङ्कारः ।
अनुमानं यथा- ।
यथा रन्ध्रं व्योम्नश्चलजलदधूमः स्थगयति ।
स्फुलिङ्गानां रूपं दधति च यथा कीटमणयः ।
यथा विद्युज्ज्वालोल्लसितपरिपिङ्गाश्च ककुभ- ।
स्तथा मन्ये लग्नः पथिकतरुखण्डे स्मरदवः॥ ।
११०. उपमानालङ्कारः ।
उपमानं यथा- ।
तां रोहिणीं विजानीहि ज्योतिषामत्रा मण्डले ।
यस्तन्वि ! तारकान्यासः शकटाकारमाश्रितः॥ ।
१११ शब्दप्रमाणालङ्कारः ।
शब्दप्रमाणं यथा (कुमार. ५/८१) ।
विवृण्वता दोषमपि च्युतात्मना त्वयैकमीशं प्रति साधु भाषितम् ।
यमामनन्त्यात्मभुवोऽपि कारणं कथं स लक्ष्यप्रभवो भविष्यति?॥ ।
११२ स्मृत्यलङ्कारः ।
तत्रा स्मृतिर्यथा- ।
बलात्कुरुत पापानि सन्तु तान्यकृतानि वः ।
सर्वान् बलकृतानर्थानकृतान् मनुरब्रवीत््॥ ।
११३ श्रुत्यलङ्कारः ।
तत्रा श्रुतिर्यथा- ।
त्वं हि नाम्नैव वरदो नाधत्से वरमुद्रिकाम् ।
न हि श्रुतिप्रसिद्धार्थे लिङ्गमाद्रियते बुधैः॥ ।
११४ अर्थापत्त्यलङ्कारः ।
अर्थापत्तिर्यथा- ।
निर्णेतुं शक्यमस्तीति मध्यं तव नितम्बिनि ! ।
अन्यथा नोपपद्येत पयोधरभरस्थितिः॥ ।
११५ अनुपलब्ध्यलङ्कारः ।
अनुपलब्धिर्यथा- ।
स्फुटमसदवलग्नं तन्वि ! निश्चिन्वते ते ।
तदनुपलभमानास्तर्कयन्तोऽपि लोकाः ।
कुचगिरिवरयुग्मं यद्विनाधारमास्ते ।
तदिह मकरकेतोरिन्द्रजालं प्रतीमः॥ ।
११६ सम्भवालङ्कारः ।
संभवो यथा- ।
अभूतपूर्वं मम भावि किं वा सर्वं सहे मे सहजं हि दुःखम् ।
किंतु त्वदग्रे शरणागतानां पराभवो नाथ ! न तेऽनुरूपः॥ ।
११७ ऐतिह्यालङ्कारः ।
ऐतिह्यं यथा- ।
कल्याणी बत गाथेयं लौकिकी प्रतिभाति मे ।
एति जीवन्तमानन्दो नरं वर्षशतादपि॥ ।
(अथ संसृष्टिसङ्करौ-) ।
अथैतेषामलङ्काराणां यथासम्भवं क्वचिन्मेलने लौकिकालङ्काराणां मेलन इव ।
चारुत्वातिशयोपलम्भान्नरसिंहन्यायेन पृथगलङ्कारावस्थितौ तन्निर्णयः क्रियते। तत्रा ।
तिलतण्डुलन्यायेन स्फुटावगम्यभेदालङ्कारमेलने संसृष्टिः। नीरक्षीरन्यायेनास्फुटभेदालङ्कारमेलने ।
संकरः। स चाङ्गाङ्गिभावेन समप्राधान्येन सन्देहेन एकवाचकानुप्रवेशेन च चतुर्विधः। एवं ।
नृसिंहाकाराः पञ्चालङ्काराः ।
११८ अलङ्कारसंसृष्टिः ।
तत्रालङ्कारसंसृष्टिर्यथा- (माघ. ६/१४), ।
कुसुमसौरभलोभपरिभ्रमद्भ्रमरसम्भ्रमसंभृतशोभया ।
चलितया विदधे कलमेखलाकलकलोऽलकलोलदृशान्यया॥ ।
११९ अङ्गाङ्गिभावसङ्करालङ्कारः ।
अङ्गाङ्गिभावसङ्करो यथा- ।
तलेष्ववेपन्त महीरुहाणां छायास्तदा मारुतकम्पितानाम् ।
शशाङ्कसिंहेन तमोगजानां लूनाकृतीनामिव गात्राखण्डाः॥ ।
१२० समप्राधान्यसङ्करालङ्कारः ।
समप्राधान्यसंकरो यथा- ।
अवतु नः सवितुस्तुरगावली समतिलङ्घिततुङ्गपयोधरा ।
स्फुरितमध्यगतारुणनायका मरकतैकलतेव नभःश्रियः॥ ।
१२१ सन्देहसङ्करालङ्कारः ।
सन्देहसंकरो यथा- (रघु. ६/८५) ।
शशिनमुपगतेयं कौमुदी मेघमुक्तं ।
जलनिधिमनुरूपं जह्नुकन्यावतीर्णा ।
इति समगुणयोगप्रीतयस्तत्रा पौराः ।
श्रवणकटु नृपाणामेकवाक्यं विवव्रुः॥ ।
१२२ एकवचनानुप्रवेशसङ्करः ।
एकवाचकानुप्रवेशसंकरस्तु शब्दार्थालङ्कारयोरेवेति लक्षयित्वा काव्यप्रकाशकार ।
उदाजहार- ।
स्पष्टोच्छ््वसत्किरणकेसरसूर्यबिम्ब- ।
विस्तीर्णकर्णिकमथो दिवसारविन्दम् ।
श्लिष्टाष्टदिग्दलकलापमुखावतार- ।
बद्धान्धकारमधुपावलि संचुकोच॥ ।
१२३ सङ्करसङ्करालङ्कारः ।
क्वचित्सङ्कराणामपि सङ्करो दृश्यते। यथा- ।
मुक्ताः केलिविसूत्राहारगलिताः संमार्जनीभिर्हृताः ।
प्रातः प्राङ्गणसीम्नि मन्थरचलद्वालाङ्घ्रिलाक्षारुणाः ।
दूराद्दाडिमबीजशङ्कितधियः कर्षन्ति केलीशुका ।
यद्विद्वद्भवनेषु भोजनृपतेस्तत्त्यागलीलायितम्॥ ।
उपसंहारः ।
अमुं कुवलयानन्दमकरोदप्पदीक्षितः ।
नियोगाद्वेङ्कटपतेर्निरुपाधिकृपानिधेः ॥ १७१ ॥
bhāvasya codayaḥ sandhiḥ śabalatvamiti trāyaḥ |
aṣṭau pramāṇālaṅkārāḥ pratyakṣapramukhāḥ kramāt|| |
evaṃ pañcadaśānyānapyalaṅkārān vidurbudhāḥ |
101 tatrā rasavadalaṅkāraḥ |
tatrā rasavadudāharaṇam- |
munirjayati yogīndro mahātmā kumbhasambhavaḥ |
yenaikaculake dṛṣṭau divyau tau matsyakacchapau|| |
102 preyolaṅkāraḥ |
preyolaṅkāra eva bhāvālaṅkāra ucyate| sa yathā (gaṃ.laṃ.)- |
kadā vārāṇasyāmamarataṭinīrodhasi vasan |
vasānaḥ kaupīnaṃ śirasi nidadhāno'ñjalipuṭam |
aye gaurīnātha tripurahara śambho trinayan ! |
prasīdetyākrośannimiṣamiva neṣyāmi divasān|| |
103 ūrjasvyalaṅkāraḥ |
ūrjasvi yathā,- |
tvatpratyarthivasundhareśataruṇīḥ santrāsataḥ satvaraṃ |
yāntīrvīra ! viluṇṭhitaṃu sarabhasaṃ yātāḥ kirātā vane |
tiṣṭhanti stimitāḥ prarūḍhapulakāste vismṛtopakramā- |
stāsāmuttaralaiḥ stanairatitarāṃ lolairapāṅgairapi|| |
104 samāhitālaṅkāraḥ |
samāhitaṃ yathā- |
paśyāmaḥ kimiyaṃ prapadyata iti sthairyaṃ mayālambitaṃ |
kiṃ māṃ nālapatītyayaṃ khalu śaṭhaḥ kopastayāpyāśritaḥ |
ityanyonyavilakṣadṛṣṭicature tasminnavasthāntare |
savyājaṃ hasitaṃ mayā dhṛtiharo muktastu bāṣpastayā|| |
atrā śṛṅgārasya kopaśāntiraṅgam|| |
105 bhāvodayālaṅkāraḥ |
bhāvodayo yathā (naiṣadha. 9/66)- |
tadadya viśramya dayāluredhi me dinaṃ ninīṣāmī bhavadvilokinī |
adarśi pādena vilikhya patriṇā tavaiva rūpeṇa samaḥ sa matpriyaḥ|| |
atrā nalaṃ prati damayantyā autsukyarūpabhāvasyodayaḥ śṛṅgārarasasyāṅgam|| |
106 bhāvasandhyalaṅkāraḥ |
bhāvasandhiryathā- |
ekābhūt kusumāyudheṣudhiriva pravyaktapuṅkhāvalī |
jeturmaṅgalapālikeva pulakairanyā kapolasthalī |
lolākṣīṃ kṣaṇamātrābhāvivirahakleśāsahāṃ paśyato |
drāgākarṇayataśca vīra ! bhavataḥ prauḍhāhavāḍambaram|| |
atrā ramaṇīprema raṇautsukyayoḥ sandhiḥ prabhuviṣayabhāvasyāṅgam|| |
107 bhāvaśabalālaṅkāraḥ |
bhāvaśabalaṃ yathā- |
kvākāryaṃ śaśalakṣmaṇaḥ kva ca kulaṃ?, bhūyo'pi dṛśyeta sā, |
doṣāṇāṃ praśamāya naḥ śrutamaho kope'pi kāntaṃ mukham |
kiṃ vakṣyantyapakalmaṣāḥ kṛtadhiyaḥ, svapne'pi sā durlabhā, |
cetaḥ ! svāsthyamupaihi, kaḥ khalu yuvā dhanyo'dharaṃ dhāsyati?|| |
108 pratyakṣālaṅkāraḥ |
pramāṇālaṅkāre pratyakṣaṃ yathā- |
krāntakāntavadanapratibimbe bhagnabālasahakārasugandhau |
svāduni praṇaditālini śīte nirvavāra madhunīndriyavargaḥ|| |
109. anumānālaṅkāraḥ |
anumānaṃ yathā- |
yathā randhraṃ vyomnaścalajaladadhūmaḥ sthagayati |
sphuliṅgānāṃ rūpaṃ dadhati ca yathā kīṭamaṇayaḥ |
yathā vidyujjvālollasitaparipiṅgāśca kakubha- |
stathā manye lagnaḥ pathikatarukhaṇḍe smaradavaḥ|| |
110. upamānālaṅkāraḥ |
upamānaṃ yathā- |
tāṃ rohiṇīṃ vijānīhi jyotiṣāmatrā maṇḍale |
yastanvi ! tārakānyāsaḥ śakaṭākāramāśritaḥ|| |
111 śabdapramāṇālaṅkāraḥ |
śabdapramāṇaṃ yathā (kumāra. 5/81) |
vivṛṇvatā doṣamapi cyutātmanā tvayaikamīśaṃ prati sādhu bhāṣitam |
yamāmanantyātmabhuvo'pi kāraṇaṃ kathaṃ sa lakṣyaprabhavo bhaviṣyati?|| |
112 smṛtyalaṅkāraḥ |
tatrā smṛtiryathā- |
balātkuruta pāpāni santu tānyakṛtāni vaḥ |
sarvān balakṛtānarthānakṛtān manurabravīt|| |
113 śrutyalaṅkāraḥ |
tatrā śrutiryathā- |
tvaṃ hi nāmnaiva varado nādhatse varamudrikām |
na hi śrutiprasiddhārthe liṅgamādriyate budhaiḥ|| |
114 arthāpattyalaṅkāraḥ |
arthāpattiryathā- |
nirṇetuṃ śakyamastīti madhyaṃ tava nitambini ! |
anyathā nopapadyeta payodharabharasthitiḥ|| |
115 anupalabdhyalaṅkāraḥ |
anupalabdhiryathā- |
sphuṭamasadavalagnaṃ tanvi ! niścinvate te |
tadanupalabhamānāstarkayanto'pi lokāḥ |
kucagirivarayugmaṃ yadvinādhāramāste |
tadiha makaraketorindrajālaṃ pratīmaḥ|| |
116 sambhavālaṅkāraḥ |
saṃbhavo yathā- |
abhūtapūrvaṃ mama bhāvi kiṃ vā sarvaṃ sahe me sahajaṃ hi duḥkham |
kiṃtu tvadagre śaraṇāgatānāṃ parābhavo nātha ! na te'nurūpaḥ|| |
117 aitihyālaṅkāraḥ |
aitihyaṃ yathā- |
kalyāṇī bata gātheyaṃ laukikī pratibhāti me |
eti jīvantamānando naraṃ varṣaśatādapi|| |
(atha saṃsṛṣṭisaṅkarau-) |
athaiteṣāmalaṅkārāṇāṃ yathāsambhavaṃ kvacinmelane laukikālaṅkārāṇāṃ melana iva |
cārutvātiśayopalambhānnarasiṃhanyāyena pṛthagalaṅkārāvasthitau tannirṇayaḥ kriyate| tatrā |
tilataṇḍulanyāyena sphuṭāvagamyabhedālaṅkāramelane saṃsṛṣṭiḥ| nīrakṣīranyāyenāsphuṭabhedālaṅkāramelane |
saṃkaraḥ| sa cāṅgāṅgibhāvena samaprādhānyena sandehena ekavācakānupraveśena ca caturvidhaḥ| evaṃ |
nṛsiṃhākārāḥ pañcālaṅkārāḥ |
118 alaṅkārasaṃsṛṣṭiḥ |
tatrālaṅkārasaṃsṛṣṭiryathā- (māgha. 6/14), |
kusumasaurabhalobhaparibhramadbhramarasambhramasaṃbhṛtaśobhayā |
calitayā vidadhe kalamekhalākalakalo'lakaloladṛśānyayā|| |
119 aṅgāṅgibhāvasaṅkarālaṅkāraḥ |
aṅgāṅgibhāvasaṅkaro yathā- |
taleṣvavepanta mahīruhāṇāṃ chāyāstadā mārutakampitānām |
śaśāṅkasiṃhena tamogajānāṃ lūnākṛtīnāmiva gātrākhaṇḍāḥ|| |
120 samaprādhānyasaṅkarālaṅkāraḥ |
samaprādhānyasaṃkaro yathā- |
avatu naḥ savitusturagāvalī samatilaṅghitatuṅgapayodharā |
sphuritamadhyagatāruṇanāyakā marakataikalateva nabhaḥśriyaḥ|| |
121 sandehasaṅkarālaṅkāraḥ |
sandehasaṃkaro yathā- (raghu. 6/85) |
śaśinamupagateyaṃ kaumudī meghamuktaṃ |
jalanidhimanurūpaṃ jahnukanyāvatīrṇā |
iti samaguṇayogaprītayastatrā paurāḥ |
śravaṇakaṭu nṛpāṇāmekavākyaṃ vivavruḥ|| |
122 ekavacanānupraveśasaṅkaraḥ |
ekavācakānupraveśasaṃkarastu śabdārthālaṅkārayoreveti lakṣayitvā kāvyaprakāśakāra |
udājahāra- |
spaṣṭocchvasatkiraṇakesarasūryabimba- |
vistīrṇakarṇikamatho divasāravindam |
śliṣṭāṣṭadigdalakalāpamukhāvatāra- |
baddhāndhakāramadhupāvali saṃcukoca|| |
123 saṅkarasaṅkarālaṅkāraḥ |
kvacitsaṅkarāṇāmapi saṅkaro dṛśyate| yathā- |
muktāḥ kelivisūtrāhāragalitāḥ saṃmārjanībhirhṛtāḥ |
prātaḥ prāṅgaṇasīmni mantharacaladvālāṅghrilākṣāruṇāḥ |
dūrāddāḍimabījaśaṅkitadhiyaḥ karṣanti kelīśukā |
yadvidvadbhavaneṣu bhojanṛpatestattyāgalīlāyitam|| |
upasaṃhāraḥ |
amuṃ kuvalayānandamakarodappadīkṣitaḥ |
niyogādveṅkaṭapaternirupādhikṛpānidheḥ || 171 ||
The rise, conjunction and intermingling of emotions make a further three. Then come the eight figures based on means of knowledge, beginning with perception. Scholars thus recognise fifteen further figures. 101. Aesthetic flavour. ‘Glory to the great sage, the master of yogis born from a pot, who saw those two divine beings, fish and tortoise, in a single handful of water.’ 102. Emotion. Preyas is also called the figure of emotion. For example, ‘When will I live on the bank of the heavenly river at Vārāṇasī, wearing a loincloth and holding my joined palms above my head? Calling, “Lord of Gaurī, destroyer of the three cities, Shiva, three-eyed one, be gracious,” I shall pass my days as if in the blink of an eye.’ 103. Semblance. ‘Hero, forest hunters rushed eagerly to plunder the young wives of the kings who oppose you as they fled in terror. Now the hunters stand transfixed, their hair on end, forgetting what they meant to do at the sight of their quivering breasts and restless sidelong glances.’ 104. Quieting of emotion. ‘Let me see what she will do,’ I thought, and held myself steady. ‘This rogue will not even speak to me,’ she thought, and gave way to anger. Each watching the other's face askance, we reached a point where I gave a forced laugh and she let a tear fall that broke my composure. Here the subsiding of anger serves the flavour of love. 105. Rise of emotion. ‘Kind one, rest today and let me spend the day looking at you. The bird drew with its foot and showed me that my beloved looks just like you.’ Here the rise of Damayantī's longing for Nala serves the flavour of love. 106. Conjunction of emotions. ‘Hero, as you looked at your restless-eyed beloved, who could scarcely bear the pain of even a moment's separation, and suddenly heard the commotion of a fierce battle, one cheek became like the quiver of the flower-armed god, bristling with feathered shafts, and the other like a vessel of auspicious offerings for a victor, studded with hairs standing on end.’ Here love of a woman joins eagerness for battle and serves the reader's feeling for the lord. 107. Intermingling of emotions. ‘What has the moon to do with misconduct, and what has he to do with good family? Will I see her again? We have heard how faults are calmed. Ah, what a lovely face even in anger! What will the wise and blameless say? I can hardly meet her even in a dream. Heart, compose yourself. What fortunate young man will touch her lip?’ 108. Perception. ‘All my senses found relief in the sweet, cold spring honey, which held my beloved's reflected face and the fragrance of bruised young mango blossoms and resounded with the hum of bees.’ 109. Inference. ‘Moving clouds, like smoke, close up the gap in the sky. Fireflies gleam like sparks, and the quarters glow tawny with flames of lightning. So I think Love's forest fire has caught in the grove where travellers rest.’ 110. Recognition by comparison. ‘Slender woman, know Rohiṇī in this circle of lights by the arrangement of stars that has the shape of a cart.’ 111. Verbal testimony. ‘Though you sought to expose his faults and had lost your sense, you spoke one true thing about the Lord. How could the one whom tradition declares to be the cause even of the self-born Brahma have a beginning that one can discern?’ 112. Remembered authority. ‘Do wrong when forced, and the acts shall count as undone. Manu declared all wrongs done under compulsion to be undone.’ 113. Revelation. ‘The name “giver of boons” already declares what you are, so you do not hold your hand in the boon-giving gesture. The learned look for no visible sign when the truth is known from revelation.’ 114. Presumption. ‘One can infer that you have a waist, shapely woman. How else could the weight of your breasts stay up?’ 115. Non-apprehension. ‘Slender woman, people conclude that your waist is quite absent, for they cannot find it by looking or by reasoning. Yet those twin mountains that are your breasts stand without a support, and we take that for a conjuring trick of the god of love.’ 116. Possibility. ‘What that has never happened before could befall me now? I bear it all, for pain was born with me. But, lord, it does not befit you to let those who have taken refuge in you be made to suffer before your eyes.’ 117. Tradition. ‘What a fine common saying this seems to me: joy can reach a man who lives on, even after a hundred years.’ Mixture and fusion. When figures meet in a passage as far as they can, their combined beauty can be discerned as in the joining of ornaments in ordinary life. Their presence together can be judged by the analogy of the man-lion, whose constituents can be considered in their own right. It is mixture when the combined figures remain distinctly recognisable, like sesame and rice. It is fusion when their differences are hard to distinguish, like water and milk. Fusion is of four kinds: one figure serves another, both have equal weight, there is doubt between them, or they enter a single expression. With mixture, these make five combinations like the man-lion. 118. Mixture of figures. ‘As another woman with curls that played before her eyes moved along, her tinkling girdle made a soft clamour. Her beauty was heightened by the commotion of the bees circling in their eagerness for the fragrance of the flowers.’ 119. Fusion by subordination. ‘The shadows at the feet of the trees trembled as the wind shook them, like severed pieces of the bodies of elephants of darkness, torn by the lion of the moon.’ 120. Fusion of equal figures. ‘May the sun's line of horses protect us, passing far above the high clouds, its lustrous leader Aruṇa in the midst, like the sky's one emerald vine with a ruby pendant glowing in the middle.’ 121. Fusion by doubt. ‘This moonlight has reached the moon now freed of clouds. The daughter of Jahnu has come down to her fitting ocean.’ Thus the townspeople, delighted by a union of matching virtues, gave voice as one to words harsh to the kings' ears. 122. Fusion in a single expression. The author of the Kāvyaprakāśa defines this fusion as involving a verbal figure and a figure of meaning, and gives the following example. ‘The lotus of the day closed. Its spreading centre was the sun's disc, with bright rays opening like filaments. As its petals, the eight directions, closed, rows of bees descended and lodged in their mouths as the gathering dark.’ 123. Fusion of fusions. Sometimes there is fusion even between different fusions. For example, ‘At dawn, along the edge of the courtyards in the houses of scholars, pet parrots spy the pearls that had slipped from necklaces whose threads had broken in play. Swept aside by brooms, they gleam red with the lac on the women's softly moving feet. Taking them for pomegranate seeds at a distance, the parrots drag them away. Such are the playful effects of King Bhoja's generosity.’ Conclusion. At the command of the lord of Veṅkaṭa, an ocean of unbounded kindness, Appa Dīkṣita made this Kuvalayānanda.
AI draft translation, not yet reviewed