Skip to content

Atharva Veda 2.6

A prayer to Agni for protection

समास्त्वाग्न ऋतवो वर्धयन्तु संवत्सरा ऋषयो यानि सत्या । सं दिव्येन दीदिहि रोचनेन विश्वा आ भाहि प्रदिशश्चतस्रः ॥ १ ॥ सं चेध्यस्वाग्ने प्र च वर्धयेममुच्च तिष्ठ महते सौभगाय । मा ते रिषन्न् उपसत्तारो अग्ने ब्रह्माणस्ते यशसः सन्तु मान्ये ॥ २ ॥ त्वामग्ने वृणते ब्राह्मणा इमे शिवो अग्ने संवरणे भवा नः । सपत्नहाग्ने अभिमातिजिद्भव स्वे गये जागृह्यप्रयुच्छन् ॥ ३ ॥ क्षत्रेणाग्ने स्वेन सं रभस्व मित्रेणाग्ने मित्रधा यतस्व । सजातानां मध्यमेष्ठा राज्ञामग्ने विहव्यो दीदिहीह ॥ ४ ॥ अति निहो अति सृधोऽत्यचित्तीरति द्विषः । विश्वा ह्यग्ने दुरिता तर त्वमथास्मभ्यं सहवीरं रयिं दाः ॥ ५ ॥

samāstvāgna ṛtavo vardhayantu saṃvatsarā ṛṣayo yāni satyā | saṃ divyena dīdihi rocanena viśvā ā bhāhi pradiśaścatasraḥ || 1 || saṃ cedhyasvāgne pra ca vardhayemamucca tiṣṭha mahate saubhagāya | mā te riṣann upasattāro agne brahmāṇaste yaśasaḥ santu mānye || 2 || tvāmagne vṛṇate brāhmaṇā ime śivo agne saṃvaraṇe bhavā naḥ | sapatnahāgne abhimātijidbhava sve gaye jāgṛhyaprayucchan || 3 || kṣatreṇāgne svena saṃ rabhasva mitreṇāgne mitradhā yatasva | sajātānāṃ madhyameṣṭhā rājñāmagne vihavyo dīdihīha || 4 || ati niho ati sṛdho'tyacittīrati dviṣaḥ | viśvā hyagne duritā tara tvamathāsmabhyaṃ sahavīraṃ rayiṃ dāḥ || 5 ||

1 Half-years and seasons strengthen thee, O Agni, the years, and all the Verities, and Rishis! p. a39 Flash forth with thy celestial effulgence: illumine all four regions of the heavens. 2 Kindle thee, Agni, and make this man prosper: rise up erect for high and happy fortune. Agni, be those uninjured who adore thee, and may thy priests be glorious and no others. 3 These Brāhmans have elected thee, O Agni: be thou propitious in our sacred chamber. Slayer of rivals, Agni, quell our foemen: watch in our house with care that never ceases. 4 Seize, Agni, on thy power and firmly hold it: contend thou with the Friend by way of friendship. Placed in the centre of our fellows, Agni, flash forth to be invoked by kings around thee. 5 Past those who slay, past enemies, past thoughtless men, past those who hate, Yea, Agni, hear us safe past all distresses: give thou us opulence with men about us.

Report an error