Absolution and benediction
क्षेत्रियात्त्वा निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ १ ॥
शं ते अग्निः सहाद्भिरस्तु शं सोमः सहौषधीभिः ।
एवाहं त्वां क्षेत्रियान् निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ २ ॥
शं ते वातो अन्तरिक्षे वयो धाच्छं ते भवन्तु प्रदिशश्चतस्रः ।
एवाहं त्वां क्षेत्रियान् निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ ३ ॥
इमा या देवीः प्रदिशश्चतस्रो वातपत्नीरभि सूर्यो विचष्टे ।
एवाहं त्वां क्षेत्रियान् निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ ४ ॥
तासु त्वान्तर्जरस्या दधामि प्र यक्ष्म एतु निर्ऋतिः पराचैः ।
एवाहं त्वां क्षेत्रियान् निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ ५ ॥
अमुक्था यक्ष्माद्दुरितादवद्याद्द्रुहः पाशाद्ग्राह्याश्चोदमुक्थाः ।
एवाहं त्वां क्षेत्रियान् निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ ६ ॥
अहा अरातिमविदः स्योनमप्यभूर्भद्रे सुकृतस्य लोके ।
एवाहं त्वां क्षेत्रियान् निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ ७ ॥
सूर्यमृतं तमसो ग्राह्या अधि देवा मुञ्चन्तो असृजन् निरेनसः ।
एवाहं त्वां क्षेत्रियान् निर्ऋत्या जामिशंसाद्द्रुहो मुञ्चामि वरुणस्य पाशात्।
अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥ ८ ॥
kṣetriyāttvā nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 1 ||
śaṃ te agniḥ sahādbhirastu śaṃ somaḥ sahauṣadhībhiḥ |
evāhaṃ tvāṃ kṣetriyān nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 2 ||
śaṃ te vāto antarikṣe vayo dhācchaṃ te bhavantu pradiśaścatasraḥ |
evāhaṃ tvāṃ kṣetriyān nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 3 ||
imā yā devīḥ pradiśaścatasro vātapatnīrabhi sūryo vicaṣṭe |
evāhaṃ tvāṃ kṣetriyān nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 4 ||
tāsu tvāntarjarasyā dadhāmi pra yakṣma etu nirṛtiḥ parācaiḥ |
evāhaṃ tvāṃ kṣetriyān nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 5 ||
amukthā yakṣmādduritādavadyāddruhaḥ pāśādgrāhyāścodamukthāḥ |
evāhaṃ tvāṃ kṣetriyān nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 6 ||
ahā arātimavidaḥ syonamapyabhūrbhadre sukṛtasya loke |
evāhaṃ tvāṃ kṣetriyān nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 7 ||
sūryamṛtaṃ tamaso grāhyā adhi devā muñcanto asṛjan nirenasaḥ |
evāhaṃ tvāṃ kṣetriyān nirṛtyā jāmiśaṃsāddruho muñcāmi varuṇasya pāśāt|
anāgasaṃ brahmaṇā tvā kṛṇomi śive te dyāvāpṛthivī ubhe stām || 8 ||
1 From family sickness, kinsmen's curse, Destruction, from Druh,
from Varuna's noose I free and save thee.
With spell and prayer I make thee pure and sinless: to thee be
both, the Earth and Heaven, auspicious!
2 Gracious to thee be Agni with the Waters, let Soma with the
Plants be kind and bless thee.
From family sickness, kinsmen's curse, Destruction, from Druh,
from Varuna's noose I thus release thee.
3 May kind Wind strengthen thee in air's mid-region, to thee may
heaven's four quarters be auspicious.
From family sickness, kinsmen's curse, Destruction, from Druh,
from Varuna's curse I thus release thee.
4 These Goddesses, four regions of the heavens, on whom the
Sun looks kindly, wives of Vāta—
From family sickness, kinsmen's curse, Destruction, from Druh,
from Varuna's noose I thus release thee.
5 For long life, in the midst of these I set thee. Away pass Nirriti,
away Consumption!
From family sickness, kinsmen's curse, Destruction, from Druh,
from Varuna's noose I thus release thee.
6 Thou hast been freed from Phthisis and from trouble, from
shame, and from the snare of Druh and Grain.
From family sickness, kinsmen's curse, Destruction, from Druh,
from Varuna's noose I thus release thee.p. a43
7 Joy hast thou found, and left ill-will behind thee: thou hast
attained the happy world of virtue.
From family sickness, kinsmen's curse, Destruction, from Druh,
from Varuna's noose I thus release thee.
8 The Gods have freed from, sinfulness, redeeming the Sun, the
Law from darkness and from Grāhi.
From family sickness, kinsmen's curse, Destruction, from Druh,
from Varuna's noose I thus release thee.
With spell and prayer I make thee pure and sinless: to thee be
both, the Earth and Heaven, auspicious!