Skip to content

उत्तरभागः • प्रपाठकः ४

Uttara-bhaga · Prapathaka 4

The Sanskrit Gopatha Brahmana of the Atharvaveda, with IAST.

19 passagesSanskrit with translation

A sacred fire emblem for Gopatha Brahmana section 9.

The English on this page is an AI draft. It was written with AI for this library and has not yet been checked by a translator, so read it as a guide to the original, not as an authority. How these drafts are made.

ओं “कया नश् चित्र आ भुवत् ” “कया त्वं न ऊत्या ”इति मैत्रावरुणस्य स्तोत्रियानुरूपौ “कस् तम् इन्द्र त्वावसुम् ” इति बार्हतः प्रगाथस् तस्योपरिष्टाद् ब्राह्मणम् “सद्यो ह जातो वृषभः कनीनः ”इत्य् उक्थमुखम् “एवा त्वाम् इन्द्र वज्रिन्न् अत्र ”इति पर्यासः “उशन्नु षु णः सुमना उपाके ”इति यजति एताम् एव तद् देवतां यथाभागं प्रीणाति वषट्कृत्यानुवषट्करोति प्रत्य् एवाभिमृशन्ते नाप्याययन्ति न ह्य् अनाराशंसाः सीदन्ति ॥ १ ॥

oṃ “kayā naś citra ā bhuvat ” “kayā tvaṃ na ūtyā ”iti maitrāvaruṇasya stotriyānurūpau “kas tam indra tvāvasum ” iti bārhataḥ pragāthas tasyopariṣṭād brāhmaṇam “sadyo ha jāto vṛṣabhaḥ kanīnaḥ ”ity ukthamukham “evā tvām indra vajrinn atra ”iti paryāsaḥ “uśannu ṣu ṇaḥ sumanā upāke ”iti yajati etām eva tad devatāṃ yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 1 ||

Om. 'By what aid may the wondrous one come to us?' and 'By what help are you ours?' are the sung verse and counterpart of the Maitrāvaruṇa. 'What generous one is like you, Indra?' is the bṛhatī couplet. The explanation follows it. 'At once born as a young bull' is the opening of the recitation. 'Even so, Indra, wielder of the thunderbolt, here' is the closing verse. He sacrifices with 'Desiring our company, well disposed nearby'. He thereby pleases that very deity in accordance with his share. Having made the vaṣaṭ call he makes a second vaṣaṭ call. They touch it in response and do not cause it to swell, for cups without the Nārāśaṃsa do not stand.

AI draft translation, not yet reviewed

Report an error

“तं वो दस्मम् ऋतीषहं ” “तत् त्वा यामि सुवीर्यम् ” इति ब्राह्मणाच्छंसिन स्तोत्रियानुरूपौ “उद् उ त्ये मधुमत्तमा गिरः ”इति बार्हतः प्रगाथः पशवो वै प्रगाथः पशवः स्वरः पशूनाम् आप्त्यै अतो मध्यं वै सर्वेषां छन्दसां बृहती मध्यं माध्यंदिनं सवनानाम् तन् मध्येनैव मध्यं समर्धयति “इन्द्रः पूर्भिद् आतिरद् दासम् अर्कैः ”इत्य् उक्थमुखम् “उद् उ ब्रह्माण्य् ऐरत श्रवस्या ”इति पर्यासः “एवेद् इन्द्रं वृषणं वज्रबाहुम् ” इति परिदधाति “वसिष्ठासो अभ्य् अर्चन्त्य् अर्कैः ”इति अन्नं वा अर्कः अन्नाद्यम् एवास्मै तत् परिदधाति “स न स्तुतो वीरवद् धातु गोमत् ”इति अन्नं वा अर्कःइति प्रजां चैवास्मै तत् पशूंश् चाशास्ते “यूयं पात स्वस्तिभिः सदा नः ”इति स्वस्तिमती रूपसमृद्धा एतद् वै यज्ञस्य समृद्धं यद् रूपसमृद्धं यत् कर्म क्रियमाणम् ऋग्यजुर्वाभिवदति स्वस्ति तस्य यज्ञस्य पारम् अश्नुते य एवं वेद यश् चैवंविद्वान् ब्राह्मणाच्छंस्य् एतया परिदधाति “ऋजीषी वज्री वृषभस् तुराषाट् ”इति यजति एताम् एव तद् देवतां यथाभागं प्रीणाति वषट्कृत्यानुवषट्करोति प्रत्य् एवाभिमृशन्ते नाप्याययन्ति न ह्य् अनाराशंसाः सीदन्ति ॥ २ ॥

“taṃ vo dasmam ṛtīṣahaṃ ” “tat tvā yāmi suvīryam ” iti brāhmaṇācchaṃsina stotriyānurūpau “ud u tye madhumattamā giraḥ ”iti bārhataḥ pragāthaḥ paśavo vai pragāthaḥ paśavaḥ svaraḥ paśūnām āptyai ato madhyaṃ vai sarveṣāṃ chandasāṃ bṛhatī madhyaṃ mādhyaṃdinaṃ savanānām tan madhyenaiva madhyaṃ samardhayati “indraḥ pūrbhid ātirad dāsam arkaiḥ ”ity ukthamukham “ud u brahmāṇy airata śravasyā ”iti paryāsaḥ “eved indraṃ vṛṣaṇaṃ vajrabāhum ” iti paridadhāti “vasiṣṭhāso abhy arcanty arkaiḥ ”iti annaṃ vā arkaḥ annādyam evāsmai tat paridadhāti “sa na stuto vīravad dhātu gomat ”iti annaṃ vā arkaḥiti prajāṃ caivāsmai tat paśūṃś cāśāste “yūyaṃ pāta svastibhiḥ sadā naḥ ”iti svastimatī rūpasamṛddhā etad vai yajñasya samṛddhaṃ yad rūpasamṛddhaṃ yat karma kriyamāṇam ṛgyajurvābhivadati svasti tasya yajñasya pāram aśnute ya evaṃ veda yaś caivaṃvidvān brāhmaṇācchaṃsy etayā paridadhāti “ṛjīṣī vajrī vṛṣabhas turāṣāṭ ”iti yajati etām eva tad devatāṃ yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 2 ||

'That wondrous one of yours who endures attack' and 'I ask you for good manly power' are the sung verse and counterpart of the Brahman's assistant. 'Up have risen those sweetest voices' is the bṛhatī couplet. The couplet is livestock and resonance is livestock. It is for attaining livestock. Further, the bṛhatī is the middle of all the metres and the midday pressing the middle of the pressings. By the middle he makes the middle prosper. 'Indra, splitter of fortresses, overcame the enemy with songs' is the opening of the recitation. 'Up went the sacred words, seeking renown' is the closing refrain. He concludes with 'Thus they praise Indra, bull, with thunderbolt in hand' and 'The Vasiṣṭhas sing to him with their songs'. The arka song is food. He encloses nourishment for him. 'May he, praised, grant us brave men and cattle.' The arka song is food, and he wishes both offspring and livestock for him. 'May you always protect us with blessings' has the word for well-being and is suited to the form of the rite. What is suited in form makes the sacrifice prosper, where a verse or offering formula speaks to the act as it is performed. He who knows this, and the Brahman's assistant who thus knows it and concludes with this verse, reaches the far side of that sacrifice in well-being. He sacrifices with 'Drinker of the dregs, bearer of the thunderbolt, the bull who overcomes'. He thereby pleases that very deity in accordance with his share. Having made the vaṣaṭ call he makes a second vaṣaṭ call. They touch it in response and do not cause it to swell, for cups without the Nārāśaṃsa do not stand.

AI draft translation, not yet reviewed

Report an error

“तरोभिर् वो विदद्वसुम् ”“तरणिर् इत् सिषासति ”इत्य् अच्छावाकस्य स्तोत्रियानुरूपौ “उद् इन् न्व् अस्य रिच्यते ”इति बार्हतः प्रगाथस् तस्योक्तं ब्राह्मणम् “भूय इद् वावृधे वीर्याय ”इत्य् उक्थमुखम् “इमाम् ऊ षु प्रभृतिं सातये धाः ”इति पर्यासस् तस्य दशमीम् उद्धरति घोरस्य वा आङ्गिरसस्यैतद् आर्षं नेद् यज्ञं निर्दहेच् छस्यमानम् “पिबा वर्धस्व तव घा सुतासः ”इति यजति एताम् एव तद् देवतां यथाभागं प्रीणाति वषट्कृत्यानुवषट्करोति प्रत्य् एवाभिमृशन्ते नाप्याययन्ति न ह्य् अनाराशंसाः सीदन्ति ॥ ३ ॥

“tarobhir vo vidadvasum ”“taraṇir it siṣāsati ”ity acchāvākasya stotriyānurūpau “ud in nv asya ricyate ”iti bārhataḥ pragāthas tasyoktaṃ brāhmaṇam “bhūya id vāvṛdhe vīryāya ”ity ukthamukham “imām ū ṣu prabhṛtiṃ sātaye dhāḥ ”iti paryāsas tasya daśamīm uddharati ghorasya vā āṅgirasasyaitad ārṣaṃ ned yajñaṃ nirdahec chasyamānam “pibā vardhasva tava ghā sutāsaḥ ”iti yajati etām eva tad devatāṃ yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 3 ||

'With speedy aids we call the finder of wealth to you' and 'The swift one wishes to win' are the sung verse and counterpart of the Acchāvāka. 'Up, indeed, what remains of him overflows' is the bṛhatī couplet. Its explanation has been given. 'He grew yet greater for a deed of might' is the opening of the recitation. 'Take up this offering for victory' is the closing refrain. He removes its tenth verse, for this is the seer composition of Ghora Āṅgirasa, and it must not burn up the sacrifice while being recited. He sacrifices with 'Drink and grow strong, for the pressings are yours'. He thereby pleases that very deity in accordance with his share. Having made the vaṣaṭ call he makes a second vaṣaṭ call. They touch it in response and do not cause it to swell, for cups without the Nārāśaṃsa do not stand.

AI draft translation, not yet reviewed

Report an error

अथाध्वर्यो शंसावोम् इति स्तोत्रियायानुरूपाय प्रगाथायोक्थमुखाय परिधानीयाया इति पञ्च कृत्व आह्वयन्ते पञ्चपदा पङ्क्तिः पाङ्क्तो यज्ञः सर्व ऐन्द्राणि त्रैष्टुभानि शंसन्ति ऐन्द्रं हि त्रैष्टुभं माध्यंदिनं सवनम् सर्वे समवतीभिः परिदधति तद् यत् समवतीभिः परिदधत्य् अन्तो वै पर्यासो ऽन्त उदर्कः अन्तेनैवान्तं परिदधति सर्वे मद्वतीभिर् यजन्ति तद् यन् मद्वतीभिर् यजन्ति सर्वे सुतवतीभिः पीतवतीभिर् अभिरूपाभिर् यजन्ति यद् यज्ञे ऽभिरूपं तत् समृद्धम् सर्वे ऽनुवषट्कुर्वन्ति स्विष्टकृत्वानुवषट्कारः नेत् स्विकृत अन्तरयामेति अन्तरिक्षलोको माध्यंदिनं सवनम् तस्य पञ्च दिशः पञ्चोक्थानि माध्यंदिनस्य सवनस्य स एतैः पञ्चभिर् उक्थैर् एताः पञ्च दिश आप्नोत्य् एताः पञ्च दिश आप्नोति ॥ ४ ॥

athādhvaryo śaṃsāvom iti stotriyāyānurūpāya pragāthāyokthamukhāya paridhānīyāyā iti pañca kṛtva āhvayante pañcapadā paṅktiḥ pāṅkto yajñaḥ sarva aindrāṇi traiṣṭubhāni śaṃsanti aindraṃ hi traiṣṭubhaṃ mādhyaṃdinaṃ savanam sarve samavatībhiḥ paridadhati tad yat samavatībhiḥ paridadhaty anto vai paryāso 'nta udarkaḥ antenaivāntaṃ paridadhati sarve madvatībhir yajanti tad yan madvatībhir yajanti sarve sutavatībhiḥ pītavatībhir abhirūpābhir yajanti yad yajñe 'bhirūpaṃ tat samṛddham sarve 'nuvaṣaṭkurvanti sviṣṭakṛtvānuvaṣaṭkāraḥ net svikṛta antarayāmeti antarikṣaloko mādhyaṃdinaṃ savanam tasya pañca diśaḥ pañcokthāni mādhyaṃdinasya savanasya sa etaiḥ pañcabhir ukthair etāḥ pañca diśa āpnoty etāḥ pañca diśa āpnoti || 4 ||

They give the call 'Officiating priest, let us recite, Om' five times, for the sung verse, its counterpart, the couplet, the opening of the recitation and the closing verse. The paṅkti has five feet and the sacrifice belongs to the paṅkti. All recite verses to Indra in triṣṭubh, for the midday pressing belongs to Indra and triṣṭubh. All conclude with verses containing the sound sama. In that they conclude with verses containing sama, the closing verse is an end and the later refrain is an end. With an end he concludes the end. All sacrifice with verses containing a word for exhilaration. When they sacrifice with them, they all use verses containing a word for pressing or drinking, suited to the rite. What is suited to the sacrifice makes it prosper. All make a second vaṣaṭ call. The second call makes the sacrifice well offered, so that they may not omit the maker of the well-offered sacrifice. Midspace is the midday pressing. Its directions are five and the recitations of the midday pressing are five. With these five recitations he attains these five directions. He attains these five directions.

AI draft translation, not yet reviewed

Report an error

अथ यदौपासनं तृतीयसवन उपास्यन्ते पितॄन् एव तेन प्रीणाति उपांशु पात्नीवतस्याग्नीध्रो यजति रेतो वै पात्नीवतः उपांश्व् इव वै रेतः सिच्यते तन् नानुवषट्करोति नेद् रेतः सिक्तं संस्थापयानीति असंस्थितम् इव वै रेतः सिक्तं समृद्धम् संस्था वा एषा यद् अनुवषट्कारस् तस्मान् नानुवषट्करोति नेष्टुर् उपस्थे धिष्ण्यान्ते वासीनो भक्षयति पत्नीभाजनं वै नेष्टा अग्नीत् पत्नीषु रेतो धत्ते रेतसः सिक्ताः प्रजाः प्रजायन्ते प्रजानां प्रजननाय प्रजावान् प्रजनयिष्णुर् भवति प्रजात्यै प्रजायते प्रजया पशुभिर् य एवं वेद ॥ ५ ॥

atha yadaupāsanaṃ tṛtīyasavana upāsyante pitṝn eva tena prīṇāti upāṃśu pātnīvatasyāgnīdhro yajati reto vai pātnīvataḥ upāṃśv iva vai retaḥ sicyate tan nānuvaṣaṭkaroti ned retaḥ siktaṃ saṃsthāpayānīti asaṃsthitam iva vai retaḥ siktaṃ samṛddham saṃsthā vā eṣā yad anuvaṣaṭkāras tasmān nānuvaṣaṭkaroti neṣṭur upasthe dhiṣṇyānte vāsīno bhakṣayati patnībhājanaṃ vai neṣṭā agnīt patnīṣu reto dhatte retasaḥ siktāḥ prajāḥ prajāyante prajānāṃ prajananāya prajāvān prajanayiṣṇur bhavati prajātyai prajāyate prajayā paśubhir ya evaṃ veda || 5 ||

When they tend the domestic fire at the third pressing, by it he pleases the ancestors. The fire-kindler sacrifices the Pātnīvata under his breath. The Pātnīvata is seed, and seed is poured as though in a whisper. He makes no second vaṣaṭ over it, lest he bring the seed to completion after it has been poured. Seed that has been poured and as yet incomplete, as it were, prospers. The second vaṣaṭ is completion. Therefore he makes no second vaṣaṭ. He partakes of it sitting near the leading priest, at the edge of the hearth. The wives are the leading priest's portion. The fire-kindler lays seed in the wives. From seed poured, offspring are born. It is for the birth of offspring. He becomes one who has offspring and brings offspring forth. It is for generation. He who knows this is born forth in offspring and livestock.

AI draft translation, not yet reviewed

Report an error

अथ शाकलाञ् जुह्वति तद् यथाहिर् जीर्णायास् त्वचो निर्मुच्येतेषीका वा मुञ्जाद् एवं हैवैते सर्वस्मात् पाप्मनः संप्रमुच्यन्ते ये शाकलाञ् जुह्वति द्रोणकलशे धाना भवन्ति तासां हस्तैर् आदधति पशवो वै धानास् ता आहवनीयस्य भस्मान्ते निवपन्ति योनिर् वै पशूनाम् आहपनीयः स्व एवैनांस् तद् गोष्ठे निरपक्रमे निदधति अथ सव्यावृतो ऽप्सु सोमान् आप्याययन्ति तान् हान्तर्वेद्यां सादयन्ति तद् धि सोमस्यायतनम् चात्वालाद् अपरेणाध्वर्युश् चमसान् अद्भिः पूरयित्वोदीचः प्राणिधाय हरितानि तृणानि व्यवदधाति यदा वा आपश् चौषधयश् च संगच्छन्ते ऽथ कृत्स्नः सोमः संपद्यते ता वैष्णव्य् अर्चा निनयन्ति यज्ञो वै विष्णुः यज्ञ एवैनम् अन्ततः प्रतिष्ठापयति अथ यद्भक्षः प्रतिनिधिं कुर्वन्ति मानुषेनैवैनं तद् भक्षेण दैवं भक्षम् अन्तर्दधति ॥ ६ ॥

atha śākalāñ juhvati tad yathāhir jīrṇāyās tvaco nirmucyeteṣīkā vā muñjād evaṃ haivaite sarvasmāt pāpmanaḥ saṃpramucyante ye śākalāñ juhvati droṇakalaśe dhānā bhavanti tāsāṃ hastair ādadhati paśavo vai dhānās tā āhavanīyasya bhasmānte nivapanti yonir vai paśūnām āhapanīyaḥ sva evaināṃs tad goṣṭhe nirapakrame nidadhati atha savyāvṛto 'psu somān āpyāyayanti tān hāntarvedyāṃ sādayanti tad dhi somasyāyatanam cātvālād apareṇādhvaryuś camasān adbhiḥ pūrayitvodīcaḥ prāṇidhāya haritāni tṛṇāni vyavadadhāti yadā vā āpaś cauṣadhayaś ca saṃgacchante 'tha kṛtsnaḥ somaḥ saṃpadyate tā vaiṣṇavy arcā ninayanti yajño vai viṣṇuḥ yajña evainam antataḥ pratiṣṭhāpayati atha yadbhakṣaḥ pratinidhiṃ kurvanti mānuṣenaivainaṃ tad bhakṣeṇa daivaṃ bhakṣam antardadhati || 6 ||

Then they offer the pieces of the Śākala. As a snake slips out of its worn skin or a reed out of muñja grass, so those who offer the Śākala pieces are released from all evil. There is parched grain in the wooden Soma vessel. They take portions of it with their hands. The parched grain is livestock. They scatter it at the edge of the ashes of the offering fire. The offering fire is the womb of livestock. He places them in their own enclosure, where they cannot stray. Then, turning left, they cause the Soma draughts to swell in the waters. They place them within the altar, for that is Soma's abode. To the west of the pit the officiating priest fills the cups with water, sets them pointing north and puts green blades of grass between them. When the waters and the plants come together, the whole Soma comes to be. With a verse to Vishnu they pour them out. Vishnu is the sacrifice. At the end he establishes it in the sacrifice. In making a substitute for the portion to partake of, by a human portion he conceals the divine portion.

AI draft translation, not yet reviewed

Report an error

पूतिर् वा एषो ऽमुष्मिंल् लोके ऽध्वर्युं च यजमानं चाभिवहति तद् यद् एनं दध्नानभिहुत्यावभृथम् उपहरेयुर् यथा कुणपं वात्य् एवम् एवैनं तत् करोति अथ यद् एनं दध्नाभिहुत्यावभृथम् उपहरन्ति सर्वम् एवैनं सयोनिं संतनुते समृद्धिं संभरन्ति “अभूद् देवः सविता वन्द्यो नु नः ”इति जुहोति सर्वम् एवैनं सपर्वाणं संभरति तिसृभिस् त्रिवृद् धि यज्ञः द्रप्सवतीभिर् अभिजुहोति सर्वम् एवैनं सर्वाङ्गं संभरति सौमीभिर् अभिजुहोति सर्वम् एवैनं सात्मानं संभरति पञ्चभिर् अभिजुहोति पाङ्क्तो यज्ञः यज्ञम् एवावरुन्द्धे पाङ्क्तः पुरुषः पुरुषम् एवाप्नोति पाङ्क्ताः पशवः पशुष्व् एव प्रतितिष्ठति प्रतितिष्ठति प्रजया पशुभिर्य एवं वेद ॥ ७ ॥

pūtir vā eṣo 'muṣmiṃl loke 'dhvaryuṃ ca yajamānaṃ cābhivahati tad yad enaṃ dadhnānabhihutyāvabhṛtham upahareyur yathā kuṇapaṃ vāty evam evainaṃ tat karoti atha yad enaṃ dadhnābhihutyāvabhṛtham upaharanti sarvam evainaṃ sayoniṃ saṃtanute samṛddhiṃ saṃbharanti “abhūd devaḥ savitā vandyo nu naḥ ”iti juhoti sarvam evainaṃ saparvāṇaṃ saṃbharati tisṛbhis trivṛd dhi yajñaḥ drapsavatībhir abhijuhoti sarvam evainaṃ sarvāṅgaṃ saṃbharati saumībhir abhijuhoti sarvam evainaṃ sātmānaṃ saṃbharati pañcabhir abhijuhoti pāṅkto yajñaḥ yajñam evāvarunddhe pāṅktaḥ puruṣaḥ puruṣam evāpnoti pāṅktāḥ paśavaḥ paśuṣv eva pratitiṣṭhati pratitiṣṭhati prajayā paśubhirya evaṃ veda || 7 ||

Foul-smelling, this remains to meet the officiating priest and the patron in yonder world. If they were to carry it to the concluding bath without pouring an offering of curds over it, they would make it like the smell that blows from a corpse. By offering curds over it and carrying it to the concluding bath, they join the whole of it to the same source. They gather together success. He offers with 'The god Savitar has now become worthy of our homage'. He gathers the whole of it, joints and all. With three verses, for the sacrifice is threefold. He offers over it with verses containing the word for a droplet. He gathers the whole of it with all its limbs. He offers over it with verses to Soma. He gathers the whole of it together with its self. He offers over it with five verses, for the sacrifice belongs to the fivefold paṅkti. He secures the sacrifice. The Person is fivefold. He attains the Person. The livestock are fivefold. He stands firm in livestock. He who knows this stands firm with offspring and livestock.

AI draft translation, not yet reviewed

Report an error

अग्निर् वाव यम इयं यमी कुसीदं वा एतद् यमस्य यजमान आदत्ते यद् ओषधीभिर् वेदिं स्तृणाति तां यद् अनुपोष्य प्रयायाद् यातयेरन्न् एनम् अमुष्मिंल् लोके यमे यत् कुसीदम् “अपमित्यम् अप्रतीत्तम् ” इति वेदिम् उपोषति इहैव सन्यमं कुसीदं निरवदायानृणो भूत्वा स्वर्गं लोकम् एति “विश्वलोप विश्वदावस्य त्वासञ् जुहोमि ”इत्य् आह होताद्वा यजमानस्यापराभावाय यद् उ मिश्रम् इव चरन्त्य् अञ्जलिना सक्तून् प्रदाव्ये जुहुयात् एष ह वा अग्निर् वैश्वानरो यत् प्रदाव्यः स्वस्याम् एवैनं तद् योन्यां सादयति ॥ ८ ॥

agnir vāva yama iyaṃ yamī kusīdaṃ vā etad yamasya yajamāna ādatte yad oṣadhībhir vediṃ stṛṇāti tāṃ yad anupoṣya prayāyād yātayerann enam amuṣmiṃl loke yame yat kusīdam “apamityam apratīttam ” iti vedim upoṣati ihaiva sanyamaṃ kusīdaṃ niravadāyānṛṇo bhūtvā svargaṃ lokam eti “viśvalopa viśvadāvasya tvāsañ juhomi ”ity āha hotādvā yajamānasyāparābhāvāya yad u miśram iva caranty añjalinā saktūn pradāvye juhuyāt eṣa ha vā agnir vaiśvānaro yat pradāvyaḥ svasyām evainaṃ tad yonyāṃ sādayati || 8 ||

Agni is Yama and this earth Yamī. The patron takes a loan from Yama when he covers the altar with plants. If he were to depart without burning it over, they would require repayment from him in yonder world. He burns over the altar with the words 'The debt to Yama, the debt not repaid'. Being here still, he pays back the loan to Yama, becomes free from debt and goes to the heavenly realm. He or the invoking priest says, 'All-consuming one, I offer you in the mouth of the all-giving one,' that the patron may not be overcome. Since they proceed as though with a mixture, let him offer ground grain with joined hands in the fire of the burnt ground. That fire of the burnt ground is Agni Vaiśvānara. He sets him down in his own womb.

AI draft translation, not yet reviewed

Report an error

अह्नां विधान्याम् एकाष्टकायाम् अपूपं चतुःशरावं पक्त्वा प्रातरेतेन कक्षम् उपोषेत् यदि दहति पुण्यसमं भवति यति न दहति पापसमं भवति एतेन ह स्म वा अङ्गिरसः पुरा विज्ञानेन दीर्घसत्त्त्रम् उपयन्ति यो ह वा उपद्रष्टारम् उपश्रोतारम् अनुख्यातारम् एव विद्वान् यजते सम् अमुष्मिंल् लोक इष्टापूर्तेन गच्छते अग्निर् वा उपद्रष्टा वायुर् वा उपश्रोता आदित्यो वा अनुख्याता तान् य एवंविद्वान् यजते सम् अमुष्मिंल् लोक इष्टापूर्तेन गच्छते “अयं नो नभसस् पतिः ”इत्य् आह अग्निर् वै नभसस् पतिः अग्निम् एव तद् आहैतं नो गोपायेति “स त्वं नो नभसस् पतिः ”इत्य् आह वायुर् वै नभसस् पतिः वायुम् एव तद् आहैतं नो गोपायेति “देव संस्फान ”इत्य् आह आदित्यो वै देवः संस्फानः आदित्यम् एव तद् आहैतं नो गोपायेति “अयं ते योनिः ”इत्य् अरण्योर् अग्निं समारोपयेत् तद् आहुर् यद् अरण्योः समारूढो नश्येद् उद् अस्याग्निः सीदेत् पुनराधेयः स्याद् इति या ते अग्ने यज्ञिया तनूस् तया मे ह्य् आरोह तया मे ह्य् आविश अयं ते योनिर् इत्य् आत्मन्न् अग्नीन् समारोपयेत् एष ह वा अग्नेर् योनिः स्वस्याम् एवैनं तद् योन्यां सादयति ॥ ९ ॥

ahnāṃ vidhānyām ekāṣṭakāyām apūpaṃ catuḥśarāvaṃ paktvā prātaretena kakṣam upoṣet yadi dahati puṇyasamaṃ bhavati yati na dahati pāpasamaṃ bhavati etena ha sma vā aṅgirasaḥ purā vijñānena dīrghasatttram upayanti yo ha vā upadraṣṭāram upaśrotāram anukhyātāram eva vidvān yajate sam amuṣmiṃl loka iṣṭāpūrtena gacchate agnir vā upadraṣṭā vāyur vā upaśrotā ādityo vā anukhyātā tān ya evaṃvidvān yajate sam amuṣmiṃl loka iṣṭāpūrtena gacchate “ayaṃ no nabhasas patiḥ ”ity āha agnir vai nabhasas patiḥ agnim eva tad āhaitaṃ no gopāyeti “sa tvaṃ no nabhasas patiḥ ”ity āha vāyur vai nabhasas patiḥ vāyum eva tad āhaitaṃ no gopāyeti “deva saṃsphāna ”ity āha ādityo vai devaḥ saṃsphānaḥ ādityam eva tad āhaitaṃ no gopāyeti “ayaṃ te yoniḥ ”ity araṇyor agniṃ samāropayet tad āhur yad araṇyoḥ samārūḍho naśyed ud asyāgniḥ sīdet punarādheyaḥ syād iti yā te agne yajñiyā tanūs tayā me hy āroha tayā me hy āviśa ayaṃ te yonir ity ātmann agnīn samāropayet eṣa ha vā agner yoniḥ svasyām evainaṃ tad yonyāṃ sādayati || 9 ||

On Ekāṣṭakā, the disposer of days, let him cook a cake of four dishes and burn over a thicket with it in the morning. If it burns, the year will be good. If it does not burn, the year will be bad. In former times the Aṅgirases undertook the long sacrificial session using this way of knowing. He who sacrifices knowing the watcher, the listener and the one who looks after it becomes united with his sacrifices and works of benefit in yonder world. Agni is the watcher, Vāyu the listener and the Āditya the one who looks after it. He who sacrifices knowing these thus becomes united with his sacrifices and works of benefit in yonder world. He says, 'This is our Lord of the Sky.' Agni is the Lord of the Sky. To Agni he says, 'Guard it for us.' He says, 'You are our Lord of the Sky.' Vāyu is the Lord of the Sky. To Vāyu he says, 'Guard it for us.' He says, 'God who makes abundant.' The Āditya is the god who makes abundant. To the Āditya he says, 'Guard it for us.' He should transfer the fire to the two fire sticks with 'This is your womb.' They say, 'If it disappeared when transferred to the fire sticks, his fire would sink away and would have to be established again.' With 'Agni, whatever body of yours is fit for sacrifice, with it ascend into me, with it enter me. This is your womb,' he should transfer the fires into himself. This is Agni's womb. He sets him down in his own womb.

AI draft translation, not yet reviewed

Report an error

यो ह वा अग्निष्टोमं साह्नं वेदाग्निष्टोमस्य साह्नस्य सायुज्यं सलोकताम् अश्नुते य एवं वेद यो ह वा एष तपत्य् एषो ऽग्निष्टोम एष साह्नस् तं सहैवाह्ना संस्थापयेयुः साह्नो वै नामैषः तेनासंत्वरमाणाश् चरेयुः यद् ध वा इदं पूर्वयोः सवनयोर् असंत्वरमाणाश् चरन्ति तस्माद् धेदं प्राच्यो ग्रामता बहुलाविष्टाः अथ यद् धेदं तृतीयसवने संत्वरमाणाश् चरन्ति तस्माद् धेदं प्रत्यञ्चि दीर्घारण्यानि भवन्ति यथैव प्रातःसवन एवं माध्यंदिने सवन एवं तृतीयसवने एवम् उ ह यजमानो ऽप्रमायुको भवति तेनासंत्वरमाणाश् चरेयुः यदा वा एष प्रातर् उदेत्य् अथ मन्द्रतमं तपति तस्मान् मन्द्रतमया वाचा प्रातःसवने शंसेत् अथ यदाभ्येत्य् अथ बलीयस् तपति तस्माद् बलीयस्या वाचा माध्यंदिने सवने शंसेत् अथो यदाभितराम् एत्य् अथो बलिष्ठतमं तपति तस्माद् बलिष्ठतमया वाचा तृतीयसवने शंसेत् एवं शंसेद् यदि वाच ईशीत वाग् घि शस्त्रम् यया तु वचोत्तरिण्योत्तरिण्योत्सहेत समापनाय तया प्रतिपद्येत एतत् सुशस्ततरम् इव भवति स वा एष न कदा चनास्तम् अयति नोदयति तद् यद् एनं पश्चाद् अस्तम् अयतीति मन्यन्ते ऽह्न एव तद् अन्तं गत्वाथात्मानं विपर्यस्यते अहर् एवाधस्तात् कृणुते रात्रीं परस्तात् स वा एष न कदा चनास्तम् अयति नोदयति तद् यद् एनं पुरस्ताद् उदयतीति मन्यते रात्रेर् एव तद् अन्तं गत्वाथात्मानं विपर्यस्यते रात्रिम् एवाधस्तात् कृणुते ऽहः परस्तात् स वा एष न कदा चनास्तम् अयति नोदयति न ह वै कदा चन निम्रुचति एतस्य ह सायुज्यं सलोकताम् अश्नुते य एवं वेद ॥ १० ॥

yo ha vā agniṣṭomaṃ sāhnaṃ vedāgniṣṭomasya sāhnasya sāyujyaṃ salokatām aśnute ya evaṃ veda yo ha vā eṣa tapaty eṣo 'gniṣṭoma eṣa sāhnas taṃ sahaivāhnā saṃsthāpayeyuḥ sāhno vai nāmaiṣaḥ tenāsaṃtvaramāṇāś careyuḥ yad dha vā idaṃ pūrvayoḥ savanayor asaṃtvaramāṇāś caranti tasmād dhedaṃ prācyo grāmatā bahulāviṣṭāḥ atha yad dhedaṃ tṛtīyasavane saṃtvaramāṇāś caranti tasmād dhedaṃ pratyañci dīrghāraṇyāni bhavanti yathaiva prātaḥsavana evaṃ mādhyaṃdine savana evaṃ tṛtīyasavane evam u ha yajamāno 'pramāyuko bhavati tenāsaṃtvaramāṇāś careyuḥ yadā vā eṣa prātar udety atha mandratamaṃ tapati tasmān mandratamayā vācā prātaḥsavane śaṃset atha yadābhyety atha balīyas tapati tasmād balīyasyā vācā mādhyaṃdine savane śaṃset atho yadābhitarām ety atho baliṣṭhatamaṃ tapati tasmād baliṣṭhatamayā vācā tṛtīyasavane śaṃset evaṃ śaṃsed yadi vāca īśīta vāg ghi śastram yayā tu vacottariṇyottariṇyotsaheta samāpanāya tayā pratipadyeta etat suśastataram iva bhavati sa vā eṣa na kadā canāstam ayati nodayati tad yad enaṃ paścād astam ayatīti manyante 'hna eva tad antaṃ gatvāthātmānaṃ viparyasyate ahar evādhastāt kṛṇute rātrīṃ parastāt sa vā eṣa na kadā canāstam ayati nodayati tad yad enaṃ purastād udayatīti manyate rātrer eva tad antaṃ gatvāthātmānaṃ viparyasyate rātrim evādhastāt kṛṇute 'haḥ parastāt sa vā eṣa na kadā canāstam ayati nodayati na ha vai kadā cana nimrucati etasya ha sāyujyaṃ salokatām aśnute ya evaṃ veda || 10 ||

He who knows the Agniṣṭoma that lasts for the day attains union with the Agniṣṭoma that lasts for the day and shares its realm. The one who gives heat yonder is the Agniṣṭoma that lasts for the day. They should bring it to completion with the day itself. It is called 'lasting through the day', so they should proceed without haste. Since they proceed without haste at the first two pressings, the villages to the east are many and well settled. Since they proceed in haste at the third pressing, the forests to the west are extensive. As at the morning pressing, so at the midday pressing and at the third pressing. Thus the patron is not liable to perish. They should proceed without haste. When the Sun rises in the morning, it gives its gentlest heat. Therefore one should recite with the gentlest voice at the morning pressing. When it comes nearer, it gives stronger heat. Therefore one should recite with a stronger voice at the midday pressing. And when it comes still nearer, it gives the strongest heat. Therefore one should recite with the strongest voice at the third pressing. Let one recite thus if one has command of the voice, for the recitation is speech. He should start with whatever voice allows him to rise higher and higher to the end. This becomes, as it were, a better recitation. The Sun never sets and never rises. When they think it sets in the west, it reaches the end of day and turns itself around, making the day underneath and the night above. The Sun never sets and never rises. When they think it rises in the east, it reaches the end of night and turns itself around, making the night underneath and the day above. The Sun never sets and never rises. Indeed it never sinks down. Whoever knows this attains union with it and shares its realm.

AI draft translation, not yet reviewed

Report an error

अथात एकाहस्यैव तृतीयसवनम् देवासुरा वा एषु लोकेषु समयतन्त ते देवा असुरान् अभ्यजयम् ते जिता अहोरात्रयोः संधिं समभ्यवागुः स हेन्द्र उवाचेमे वा असुरा अहोरात्रयोः संधिं समभ्यवागुः कश् चाहं चेमान् असुरान् अभ्युत्थास्यामहा इति अहं चेत्य् अग्निर् अब्रवीत् अहं चेति वरुणः अहं चेति बृहस्पतिः अहं चेति विष्णुस् तान् अभ्युत्थायाहोरात्रयोः संधेर् निर्जघ्नुः यद् अभ्युत्थायाहोरात्रयोः संधेर् निर्जघ्नुस् तस्माद् उत्था अभ्युत्थाय ह वै द्विषन्तं भ्रातृव्यं निर्हन्ति य एवं वेद सो ऽग्निर् अश्वो भूत्वा प्रथमः प्रजिगाय यद् अग्निर् अश्वो भूत्वा प्रथमः प्रजिगाअय तस्माद् आग्नेयीभिर् उक्थानि प्रणयन्ति यद् अग्निर् अश्वो भूत्वा प्रथमः प्रजिगाय तस्मात् साकम् अश्वम् यत् पञ्च देवता अभ्युत्तस्थुस् तस्मात् पञ्च देवता उक्थे शस्यन्ते या वाक् सो ऽग्निः यः प्राणः स वरुणः यन् मनः स इन्द्रः यच् चक्षुः स बृहस्पतिः यच् छ्रोत्रं स विष्णुः एते ह वा एतान् पञ्चभिः प्राणैः समीर्योदस्थापयन् तस्माद् उ एवैताः पञ्च देवता उक्थे शस्यन्ते ॥ ११ ॥

athāta ekāhasyaiva tṛtīyasavanam devāsurā vā eṣu lokeṣu samayatanta te devā asurān abhyajayam te jitā ahorātrayoḥ saṃdhiṃ samabhyavāguḥ sa hendra uvāceme vā asurā ahorātrayoḥ saṃdhiṃ samabhyavāguḥ kaś cāhaṃ cemān asurān abhyutthāsyāmahā iti ahaṃ cety agnir abravīt ahaṃ ceti varuṇaḥ ahaṃ ceti bṛhaspatiḥ ahaṃ ceti viṣṇus tān abhyutthāyāhorātrayoḥ saṃdher nirjaghnuḥ yad abhyutthāyāhorātrayoḥ saṃdher nirjaghnus tasmād utthā abhyutthāya ha vai dviṣantaṃ bhrātṛvyaṃ nirhanti ya evaṃ veda so 'gnir aśvo bhūtvā prathamaḥ prajigāya yad agnir aśvo bhūtvā prathamaḥ prajigāaya tasmād āgneyībhir ukthāni praṇayanti yad agnir aśvo bhūtvā prathamaḥ prajigāya tasmāt sākam aśvam yat pañca devatā abhyuttasthus tasmāt pañca devatā ukthe śasyante yā vāk so 'gniḥ yaḥ prāṇaḥ sa varuṇaḥ yan manaḥ sa indraḥ yac cakṣuḥ sa bṛhaspatiḥ yac chrotraṃ sa viṣṇuḥ ete ha vā etān pañcabhiḥ prāṇaiḥ samīryodasthāpayan tasmād u evaitāḥ pañca devatā ukthe śasyante || 11 ||

Now for the third pressing of the one-day rite. The gods and Asuras came together in these worlds. The gods defeated the Asuras. Defeated, the Asuras entered the juncture of day and night. Indra said, 'These Asuras have entered the juncture of day and night. Who will rise up with me against them?' 'I will,' said Agni. 'I will,' said Varuṇa. 'I will,' said Bṛhaspati. 'I will,' said Vishnu. Having risen up, they struck them out of the juncture of day and night. Because they rose up (abhyutthāya) and struck them out of it, the rite is the Utthā. Whoever knows this rises up and strikes away his hated rival. Agni, becoming a horse, went forward first. Because Agni became a horse and went forward first, they lead out the recitations with verses to Agni. Because Agni became a horse and went forward first, the chant is 'Together with the horse' (Sākamaśva). Because five deities rose up, five deities are recited in the recitation. Speech is Agni, breath Varuṇa, mind Indra, sight Bṛhaspati and hearing Vishnu. With these five breaths they made them move and rise up. Therefore these five deities are recited in the recitation.

AI draft translation, not yet reviewed

Report an error

प्रजापतिर् ह्य् एतेभ्यः पञ्चभ्यः प्राणेभ्यो ऽन्यान् देवान् ससृजे यद् उ चेदं किं च पाङ्क्तम् तत् सृष्ट्वा व्याज्वलयत् ते होचुर् देवा म्लानो ऽयं पिता मयोभूः पुनर् इमं समीर्योत्थापयामेति स ह सत्त्वम् आख्यायाभ्युपतिष्ठते यदि ह वा अपि निर्णिक्तस्यैव कुलस्य संध्युक्षेण यजते सत्त्वं हैवाख्यायाभ्युपतिष्टते यो वै प्रजापतिः स यज्ञः स एतैर् एव पञ्चभिः प्राणैः समीर्योत्थापितः ये ह वा एनं पञ्चभिः प्राणैः समीर्योत्थापयन् ता उ एवैताः पञ्च देवता उक्थे शस्यन्ते ॥ १२ ॥

prajāpatir hy etebhyaḥ pañcabhyaḥ prāṇebhyo 'nyān devān sasṛje yad u cedaṃ kiṃ ca pāṅktam tat sṛṣṭvā vyājvalayat te hocur devā mlāno 'yaṃ pitā mayobhūḥ punar imaṃ samīryotthāpayāmeti sa ha sattvam ākhyāyābhyupatiṣṭhate yadi ha vā api nirṇiktasyaiva kulasya saṃdhyukṣeṇa yajate sattvaṃ haivākhyāyābhyupatiṣṭate yo vai prajāpatiḥ sa yajñaḥ sa etair eva pañcabhiḥ prāṇaiḥ samīryotthāpitaḥ ye ha vā enaṃ pañcabhiḥ prāṇaiḥ samīryotthāpayan tā u evaitāḥ pañca devatā ukthe śasyante || 12 ||

From these five breaths Prajāpati created the other gods and all that here belongs to the fivefold paṅkti. Having created it, he caused it to blaze forth. The gods said, 'This father of ours, who makes well-being, has grown faint. Let us set him in motion and raise him up again.' After naming the creature he stands by it. Even if he sacrifices with what kindles the fire of a family that has been purified, he stands by after naming the creature. Prajāpati is the sacrifice. With these very five breaths he was set in motion and raised up. Those who set him in motion and raised him up with the five breaths are the five deities recited in the recitation.

AI draft translation, not yet reviewed

Report an error

तद् आहुर् यद् द्वयोर् देवतयो स्तुवत इन्द्राग्न्योर् इत्य् अथ कस्माद् भूयिष्ठा देवता उक्थे शस्यन्त इति अन्तो वा आग्निमारुतम् अन्तर् उक्थान्य् अन्त आश्विनम् कनीयसीषु देवतासु स्तुवते तिष्ठेति अथ कस्माद् भूयिष्ठो देवता उक्थे शस्यन्त इति द्वे द्वे उक्थमुखे भवतस् तद् यद् द्वे द्वे ॥ १३ ॥

tad āhur yad dvayor devatayo stuvata indrāgnyor ity atha kasmād bhūyiṣṭhā devatā ukthe śasyanta iti anto vā āgnimārutam antar ukthāny anta āśvinam kanīyasīṣu devatāsu stuvate tiṣṭheti atha kasmād bhūyiṣṭho devatā ukthe śasyanta iti dve dve ukthamukhe bhavatas tad yad dve dve || 13 ||

They ask, 'If they sing praise to two deities, Indra and Agni, why are more deities named in the recitation?' The Agnimāruta is at one end, the recitations between and the Āśvina at the other end. They sing praise among the lesser number of deities, saying, 'Stand.' Why, then, are more deities recited in the recitation? There are two openings of the recitation each. The reason why there are two each follows.

AI draft translation, not yet reviewed

Report an error

अथ यद् ऐन्द्रावारुणं मैत्रावरुस्योक्थं भवत्य् ऐन्द्राबार्हस्पत्यं ब्राह्मणाच्छंसिन उक्थं भवत्य् ऐन्द्रावैष्णावम् अच्छावाकस्योक्थं भवति द्वे संशस्यंस्त ऐन्द्रं च वारुणं चैकम् ऐन्द्रावारुणं भवति द्वे संशस्यंस्त ऐन्द्रं च बार्हस्पत्यं चैकम् ऐन्द्राबार्हस्पत्यं भवति द्वे संशस्यंस्त ऐन्द्रं च वैष्णवं चैकम् ऐन्द्रावैष्णवं भवति द्वे द्वे उक्थमुखे भवतस् तद् यद् द्वे द्वे ॥ १४ ॥

atha yad aindrāvāruṇaṃ maitrāvarusyokthaṃ bhavaty aindrābārhaspatyaṃ brāhmaṇācchaṃsina ukthaṃ bhavaty aindrāvaiṣṇāvam acchāvākasyokthaṃ bhavati dve saṃśasyaṃsta aindraṃ ca vāruṇaṃ caikam aindrāvāruṇaṃ bhavati dve saṃśasyaṃsta aindraṃ ca bārhaspatyaṃ caikam aindrābārhaspatyaṃ bhavati dve saṃśasyaṃsta aindraṃ ca vaiṣṇavaṃ caikam aindrāvaiṣṇavaṃ bhavati dve dve ukthamukhe bhavatas tad yad dve dve || 14 ||

The recitation of the Maitrāvaruṇa is to Indra and Varuṇa, that of the Brahman's assistant to Indra and Bṛhaspati, and that of the Acchāvāka to Indra and Vishnu. Two verses are recited together, one to Indra and one to Varuṇa, and they become one belonging to Indra and Varuṇa. Two are recited together, one to Indra and one to Bṛhaspati, and they become one belonging to Indra and Bṛhaspati. Two are recited together, one to Indra and one to Vishnu, and they become one belonging to Indra and Vishnu. There are two openings of the recitation each. The reason why there are two each follows.

AI draft translation, not yet reviewed

Report an error

अथ यद् ऐन्द्रावरुणं मैत्रावरुणस्योक्थं भवति“इन्द्रावरुणा सुतपाव् इमं सुतं सोमं पिबतं मद्यं धृतव्रतौ ”इत्य् ऋचाभ्यनूक्तम् मद्वद् धि तृतीयसवनम् “एह्य् ऊ षु ब्रवाणि ते ”“आग्निर् अगामि भारतः ”इति मैत्रावरुणस्य स्तोत्रियानुरूपौ “चर्षणीधृतं मघवानम् उक्थ्यम् ” इत्य् उक्थमुखम् तस्योपरिष्टाद् ब्राह्मणम् “अस्तभ्नाद् द्याम् असुरो विश्ववेदाः ”इति वारुणं सांशंसिकम् अहं चेति वरुणो ऽब्रवीत् देवतयोः संशंसायान् अतिशंसाय “इन्द्रावरुणा युवम् अध्वराय नः ”इति पर्यास ऐन्द्रावरुणे ऐन्द्रावरुणम् अस्यैतन् नित्यम् उक्थम् तद् एतत् स्वस्मिन्न् आयतने स्वस्यां प्रतिष्ठायां प्रतिष्ठापयति द्वन्द्वं वा एता देवता भूत्वा व्यजयन्त विजित्या एव अथो द्वन्द्वस्यैव मिथुनस्य प्रजात्यै सैकपादिनी भवति एकपादिन्या होता परिदधाति यत्र होतुर् होत्रकाणां युञ्जन्ति तत् समृद्धम् तद् वै खल्व् “आ वां राजानाव् अध्वरे ववृत्याम् ” इति एवम् एव केवलपर्यासं कुर्यात् केवलसूक्तम् केवलसूक्तम् एवोत्तरयोर् भवति “इन्द्रावरुणा मधुमत्तमस्य ”इति यजति एते एव तद् देवते यथाभागं प्रीणाति वषट्कृत्यानुवषट्करोति प्रत्य् एवाभिमृशन्ते नाप्याययन्ति न ह्य् अनाराशंसाः सीदन्ति ॥ १५ ॥

atha yad aindrāvaruṇaṃ maitrāvaruṇasyokthaṃ bhavati“indrāvaruṇā sutapāv imaṃ sutaṃ somaṃ pibataṃ madyaṃ dhṛtavratau ”ity ṛcābhyanūktam madvad dhi tṛtīyasavanam “ehy ū ṣu bravāṇi te ”“āgnir agāmi bhārataḥ ”iti maitrāvaruṇasya stotriyānurūpau “carṣaṇīdhṛtaṃ maghavānam ukthyam ” ity ukthamukham tasyopariṣṭād brāhmaṇam “astabhnād dyām asuro viśvavedāḥ ”iti vāruṇaṃ sāṃśaṃsikam ahaṃ ceti varuṇo 'bravīt devatayoḥ saṃśaṃsāyān atiśaṃsāya “indrāvaruṇā yuvam adhvarāya naḥ ”iti paryāsa aindrāvaruṇe aindrāvaruṇam asyaitan nityam uktham tad etat svasminn āyatane svasyāṃ pratiṣṭhāyāṃ pratiṣṭhāpayati dvandvaṃ vā etā devatā bhūtvā vyajayanta vijityā eva atho dvandvasyaiva mithunasya prajātyai saikapādinī bhavati ekapādinyā hotā paridadhāti yatra hotur hotrakāṇāṃ yuñjanti tat samṛddham tad vai khalv “ā vāṃ rājānāv adhvare vavṛtyām ” iti evam eva kevalaparyāsaṃ kuryāt kevalasūktam kevalasūktam evottarayor bhavati “indrāvaruṇā madhumattamasya ”iti yajati ete eva tad devate yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 15 ||

As for the recitation to Indra and Varuṇa that is the Maitrāvaruṇa's, the verse says in support, 'Indra and Varuṇa, who drink the pressed Soma, of steadfast vows, drink this pressed and exhilarating Soma.' The third pressing indeed has exhilaration. 'Come. Let me tell you' and 'Agni of the Bharatas has come' are the sung verse and counterpart of the Maitrāvaruṇa. 'The bountiful one supporting peoples, worthy of recitation' is the opening. The explanation follows. 'The all-knowing lord propped up heaven' is the verse to Varuṇa for reciting in common, because Varuṇa said, 'I will too.' It is for reciting to both gods and for not reciting more to one than the other. 'Indra and Varuṇa, you two for our ceremony' is the closing refrain in the recitation to Indra and Varuṇa. This is his fixed recitation to the two deities. He establishes it in its own abode and its own foundation. These gods came to be a pair and won the victory. It is for victory, and further, for generation through the paired couple. It has a single quarter. The invoking priest concludes with a single-quarter verse. When the rites of the invoking priest and his assistants are joined, that makes the sacrifice prosper. The verse is 'May I turn to you two kings at the ceremony'. In the same way he should make a separate closing refrain and a separate hymn. The two latter priests have only the separate hymn. He sacrifices with 'Indra and Varuṇa, of the sweetest'. He thereby pleases those two deities in accordance with their shares. Having made the vaṣaṭ call he makes a second vaṣaṭ call. They touch it in response and do not cause it to swell, for cups without the Nārāśaṃsa do not stand.

AI draft translation, not yet reviewed

Report an error

अथ यद् ऐन्द्राबार्हस्पत्यं ब्राह्मणाच्छंसिन उक्थं भवति“इन्द्रश् च सोमं पिबतं बृहस्पते ऽस्मिन् यज्ञे मन्दसाना वृषण्वसू ” इत्य् ऋचाभ्यनूक्तम् मद्वद् धि तृतीयसवनम् “वयम् उ त्वाम् अपूर्व्य ” “यो न इदमिदं पुरा ”इति ब्राह्मणाच्छंसिन स्तोत्रियानुरूपौ “प्र मंहिष्ठाय बृहते बृहद्रये ”इत्य् उक्थमुखम् ऐन्द्राजागतम् जागताः पशवः पशूनाम् आप्त्यै जागतम् उ वै तृतीयसवनम् तृतीयसवनस्य रूपम् “उदप्रुतो न वयो रक्षमाणाः ”इति बार्हस्पत्यं सांशंसिकम् अहं चेति बृहस्पतिर् अब्रवीत् देवतयोः संशंसायनतिशंसाय “अच्छा म इन्द्रं मतयः स्वर्विदः ”इति पर्यास ऐन्द्राबार्हस्पत्यः ऐन्द्राबार्हस्पत्यम् अस्यैतन् नित्यम् उक्थम् तद् एतत् स्वस्मिन्न् आयतने स्वस्यां प्रतिष्ठायां प्रतिष्ठापयति द्वन्द्वं वा एता देवता भूत्वा व्यजयन्त विजित्या एव अथो द्वन्द्वस्यैव मिथुनस्य प्रजात्यै “बृहस्पतिर् नः परि पातु पश्चात् ”इत्य् ऐन्द्राबार्हस्पत्या परिदधाति इन्द्राबृहस्पत्योर् एव यज्ञं प्रतिष्ठापयति “उतोत्तरस्माद् अधराद् अघायोर् इन्द्रः पुरस्ताद् उत मध्यतो नः सखा सखिभ्यो वरिवः कृणोतु ”इति सर्वाभ्य एव दिग्भ्य आशिषम् आशास्ते नार्त्वी यं कामं कामयते सो ऽस्मै कामः समृध्यते य एवं वेद यश् चैवंविद्वान् ब्राह्मणाच्छंस्य् एतया परिदधाति “बृहस्पते युवम् इन्द्रश् च वस्वः ”इति यजति एते एव तद् देवते यथाभागं प्रीणाति वषट्कृत्यानुवषट्करोति प्रत्य् एवाभिमृशन्ते नाप्याययन्ति न ह्य् अनाराशंसाः सीदन्ति ॥ १६ ॥

atha yad aindrābārhaspatyaṃ brāhmaṇācchaṃsina ukthaṃ bhavati“indraś ca somaṃ pibataṃ bṛhaspate 'smin yajñe mandasānā vṛṣaṇvasū ” ity ṛcābhyanūktam madvad dhi tṛtīyasavanam “vayam u tvām apūrvya ” “yo na idamidaṃ purā ”iti brāhmaṇācchaṃsina stotriyānurūpau “pra maṃhiṣṭhāya bṛhate bṛhadraye ”ity ukthamukham aindrājāgatam jāgatāḥ paśavaḥ paśūnām āptyai jāgatam u vai tṛtīyasavanam tṛtīyasavanasya rūpam “udapruto na vayo rakṣamāṇāḥ ”iti bārhaspatyaṃ sāṃśaṃsikam ahaṃ ceti bṛhaspatir abravīt devatayoḥ saṃśaṃsāyanatiśaṃsāya “acchā ma indraṃ matayaḥ svarvidaḥ ”iti paryāsa aindrābārhaspatyaḥ aindrābārhaspatyam asyaitan nityam uktham tad etat svasminn āyatane svasyāṃ pratiṣṭhāyāṃ pratiṣṭhāpayati dvandvaṃ vā etā devatā bhūtvā vyajayanta vijityā eva atho dvandvasyaiva mithunasya prajātyai “bṛhaspatir naḥ pari pātu paścāt ”ity aindrābārhaspatyā paridadhāti indrābṛhaspatyor eva yajñaṃ pratiṣṭhāpayati “utottarasmād adharād aghāyor indraḥ purastād uta madhyato naḥ sakhā sakhibhyo varivaḥ kṛṇotu ”iti sarvābhya eva digbhya āśiṣam āśāste nārtvī yaṃ kāmaṃ kāmayate so 'smai kāmaḥ samṛdhyate ya evaṃ veda yaś caivaṃvidvān brāhmaṇācchaṃsy etayā paridadhāti “bṛhaspate yuvam indraś ca vasvaḥ ”iti yajati ete eva tad devate yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 16 ||

As for the recitation to Indra and Bṛhaspati that is the Brahman's assistant's, the verse says in support, 'Indra and Bṛhaspati, drink Soma at this sacrifice, rejoicing, you two who possess mighty riches.' The third pressing indeed has exhilaration. 'We call to you, unparalleled one' and 'He who formerly brought us this and that' are the sung verse and counterpart of the Brahman's assistant. 'To the most liberal, the lofty one of great wealth' is the opening of the recitation. It is to Indra in jagatī. Livestock belong to jagatī. It is for obtaining livestock. The third pressing belongs to jagatī, and this is the form of the third pressing. 'Keeping watch like birds crossing water' is the verse to Bṛhaspati for reciting in common, because Bṛhaspati said, 'I will too.' It is for reciting to both gods and for not reciting more to one than the other. 'Towards Indra go my thoughts that know heaven' is the closing refrain to Indra and Bṛhaspati. This is his fixed recitation to the two deities. He establishes it in its own abode and its own foundation. These gods came to be a pair and won the victory. It is for victory, and further, for generation through the paired couple. He concludes with the verse to Indra and Bṛhaspati, 'May Bṛhaspati guard us round from behind.' He establishes the sacrifice in Indra and Bṛhaspati. 'From above and from below protect us from the evildoer. May Indra from in front and from the middle, as a friend, make room for his friends.' He asks for blessing from every quarter, beyond distress. Whatever desire he desires is fulfilled for one who knows this and for whom the Brahman's assistant with such knowledge concludes with this verse. He sacrifices with 'Bṛhaspati and Indra, you two of the wealth'. He thereby pleases those two deities in accordance with their shares. Having made the vaṣaṭ call he makes a second vaṣaṭ call. They touch it in response and do not cause it to swell, for cups without the Nārāśaṃsa do not stand.

AI draft translation, not yet reviewed

Report an error

अथ यद् ऐन्द्रावैष्णवम् अच्छावाकस्योक्थं भवति“इन्द्राविष्णू मदपती मदानाम् आ सोमं यातं द्रविणो दधाना ”इत्य् ऋचाभ्यनूक्तम् मद्वद् धि तृतीयसवनम् “अधा हीन्द्र गिर्वणः ”“इयं त इन्द्र गिर्वणः ”इत्य् अच्छावाकस्य स्तोत्रियानुरूपौ “ऋतुर् जनित्री तस्या अपस् परि ”इत्य् उक्थमुखम् तस्योक्तं ब्राह्मणम् “नू मर्तो दयते सनिष्यन् ”इति वैष्णवं सांशंसिकम् अहं चेति विष्णुर् अब्रवीत् देवतयोः संशंसायानतिशंसाय “सं वां कर्मणा सम् इषा हिनोमि ”इति पर्यास ऐन्द्रावैष्णवः ऐन्द्रावैष्णवम् अस्यैतन् नित्यम् उक्थम् तद् एतत् स्वस्मिन्न् आयतने स्वस्यां प्रतिष्ठायां प्रतिष्ठापयति द्वन्द्वं वा एता देवता भूत्वा व्यजयन्त विजित्या एव अथो द्वन्द्वस्यैव मिथुनस्य प्रजात्यै “उभा जिग्यथुर् न परा जयेथे ” इत्य् ऐन्द्रावैष्णव्यर्चा परिदधाति इन्द्राविष्णोर् एव यज्ञं प्रतिष्ठापयति “इन्द्राविष्णू पिबतं मध्वो अस्य ”इति यजति एते एव तद् देवते यथाभागं प्रीणाति वषट्कृत्यानुवषट्करोति प्रत्य् एवाभिमृशन्ते नाप्याययन्ति न ह्य् अनाराशंसाः सीदन्ति ॥ १७ ॥

atha yad aindrāvaiṣṇavam acchāvākasyokthaṃ bhavati“indrāviṣṇū madapatī madānām ā somaṃ yātaṃ draviṇo dadhānā ”ity ṛcābhyanūktam madvad dhi tṛtīyasavanam “adhā hīndra girvaṇaḥ ”“iyaṃ ta indra girvaṇaḥ ”ity acchāvākasya stotriyānurūpau “ṛtur janitrī tasyā apas pari ”ity ukthamukham tasyoktaṃ brāhmaṇam “nū marto dayate saniṣyan ”iti vaiṣṇavaṃ sāṃśaṃsikam ahaṃ ceti viṣṇur abravīt devatayoḥ saṃśaṃsāyānatiśaṃsāya “saṃ vāṃ karmaṇā sam iṣā hinomi ”iti paryāsa aindrāvaiṣṇavaḥ aindrāvaiṣṇavam asyaitan nityam uktham tad etat svasminn āyatane svasyāṃ pratiṣṭhāyāṃ pratiṣṭhāpayati dvandvaṃ vā etā devatā bhūtvā vyajayanta vijityā eva atho dvandvasyaiva mithunasya prajātyai “ubhā jigyathur na parā jayethe ” ity aindrāvaiṣṇavyarcā paridadhāti indrāviṣṇor eva yajñaṃ pratiṣṭhāpayati “indrāviṣṇū pibataṃ madhvo asya ”iti yajati ete eva tad devate yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 17 ||

As for the recitation to Indra and Vishnu that is the Acchāvāka's, the verse says in support, 'Indra and Vishnu, lords of the exhilarating drinks, come to the Soma bringing wealth.' The third pressing indeed has exhilaration. 'For thus, Indra who delights in songs' and 'This song is yours, Indra who delights in songs' are the sung verse and counterpart of the Acchāvāka. 'The season is the mother, around her are the waters' is the opening of the recitation. Its explanation has been given. 'Now a mortal wishing to win apportions' is the verse to Vishnu for reciting in common, for Vishnu said, 'I will too.' It is for reciting to both gods and for not reciting more to one than the other. 'Together I impel you two with work, together with food' is the closing refrain to Indra and Vishnu. This is his fixed recitation to the two deities. He establishes it in its own abode and its own foundation. These gods came to be a pair and won the victory. It is for victory, and further, for generation through the paired couple. He concludes with the verse to Indra and Vishnu, 'You both have won and are not defeated.' He establishes the sacrifice in Indra and Vishnu. He sacrifices with 'Indra and Vishnu, drink of this honey'. He thereby pleases those two deities in accordance with their shares. Having made the vaṣaṭ call he makes a second vaṣaṭ call. They touch it in response and do not cause it to swell, for cups without the Nārāśaṃsa do not stand.

AI draft translation, not yet reviewed

Report an error

अथाध्वर्यो शंशंसावोम् इति स्तोत्रियायानुरूपायोक्थमुखाय परिधानीयाया इति चतुश्चतुराह्वयन्ते चतस्रो वै दिशः दिक्षु तत् प्रतितिष्ठन्ते अथो चतुष्पादः पशवः पशूनाम् आप्त्यै अथो चतुष्पर्वाणो हि तृतीयसवने होत्रकास् तस्माच् चतुः सर्वे त्रैष्टुभं जागतानि शंसन्ति जागतं हि तृतीयसवनम् अथ हैतत् त्रैष्टुभानि अप्रतिभूतम् इव हि प्रातःसवने मरुत्वतीये तृतीयसवने च होत्रकाणां शस्त्रम् धीतरसं वा एतत् सवनं यत् तृतीयसवनम् अथ हैतद् अधीतरसं शुक्रियं छन्दो यत् त्रिष्टुब् अयातयाम सवनस्यैव तत् सरसतायै सर्वे समवतीभिः परिदधति तद् यत् समवतीभिः परिदधत्य् अन्तो वै पर्यासो ऽन्त उदर्को ऽन्तः सजाया उ ह वा अवैनाय अन्तेनैवान्तं परिदधति सर्वे मद्वतीभिर् यजन्ति तद् यन् मद्वतीभिर्यजन्ति सर्वे सुतवतीभिः पीतवतीभिर् अभिरूपाभिर् यजन्ति यद् यज्ञे ऽभिरूपं तत् समृद्धम् सर्वे ऽनुवषट्कुर्वन्ति स्विष्टकृत्वानुवषट्कारः नेत् स्विष्टकृत अन्तरयामेति असौ वै लोकस् तृतीयसवनम् तस्य पञ्च दिशः पञ्चोक्थानि तृतीयसवनस्य स एतैः पञ्चभिर् उक्थैर् एताः पञ्च दिश आप्नोति तद् यद् एषां लोकानां रूपं या मात्रा तेन रूपेण तया मात्रयेमांल् लोकान् ऋध्नोतीमांल् लोकान् ऋध्नोतीति ॥ १८ ॥

athādhvaryo śaṃśaṃsāvom iti stotriyāyānurūpāyokthamukhāya paridhānīyāyā iti catuścaturāhvayante catasro vai diśaḥ dikṣu tat pratitiṣṭhante atho catuṣpādaḥ paśavaḥ paśūnām āptyai atho catuṣparvāṇo hi tṛtīyasavane hotrakās tasmāc catuḥ sarve traiṣṭubhaṃ jāgatāni śaṃsanti jāgataṃ hi tṛtīyasavanam atha haitat traiṣṭubhāni apratibhūtam iva hi prātaḥsavane marutvatīye tṛtīyasavane ca hotrakāṇāṃ śastram dhītarasaṃ vā etat savanaṃ yat tṛtīyasavanam atha haitad adhītarasaṃ śukriyaṃ chando yat triṣṭub ayātayāma savanasyaiva tat sarasatāyai sarve samavatībhiḥ paridadhati tad yat samavatībhiḥ paridadhaty anto vai paryāso 'nta udarko 'ntaḥ sajāyā u ha vā avaināya antenaivāntaṃ paridadhati sarve madvatībhir yajanti tad yan madvatībhiryajanti sarve sutavatībhiḥ pītavatībhir abhirūpābhir yajanti yad yajñe 'bhirūpaṃ tat samṛddham sarve 'nuvaṣaṭkurvanti sviṣṭakṛtvānuvaṣaṭkāraḥ net sviṣṭakṛta antarayāmeti asau vai lokas tṛtīyasavanam tasya pañca diśaḥ pañcokthāni tṛtīyasavanasya sa etaiḥ pañcabhir ukthair etāḥ pañca diśa āpnoti tad yad eṣāṃ lokānāṃ rūpaṃ yā mātrā tena rūpeṇa tayā mātrayemāṃl lokān ṛdhnotīmāṃl lokān ṛdhnotīti || 18 ||

Then they give the call 'Adhvaryo śaṃśaṃsāvom' four times each, for the sung verse, its counterpart, the opening of the recitation and its closing verse. The directions are four. They stand firm in the directions. Furthermore, livestock have four feet. It is for attaining livestock. Furthermore, the reciting assistants at the third pressing have four sections. Hence they call four times. All recite triṣṭubh and jagatī verses, for the third pressing belongs to jagatī. Now these are triṣṭubh verses. The recitation of the assistants is as though not duplicated at the morning pressing, the Marutvatīya and the third pressing. The third pressing is a pressing whose juice has been drunk. The triṣṭubh is the bright, unexhausted metre whose juice has not been drunk. It is to give juice to the pressing. All conclude with verses containing the sound sama. In that they conclude with verses containing sama, the closing verse is an end and the later refrain is an end. The wife of a clan member is also an end for going down to him. With an end he concludes the end. All sacrifice with verses containing a word for exhilaration. When they sacrifice with them, they all use verses containing a word for pressing or drinking, suited to the rite. What is suited to the sacrifice makes it prosper. All make a second vaṣaṭ call. The second call makes the sacrifice well offered, so that they may not omit the maker of the well-offered sacrifice. Yonder world is the third pressing. Its directions are five, and the recitations of the third pressing are five. With these five recitations he attains these five directions. With the form and the measure that belong to these worlds, he makes these worlds prosper. He makes these worlds prosper.

AI draft translation, not yet reviewed

Report an error

तद् आहुः किं षोडशिनः षोडशित्वम् षोडश स्तोत्राणि षोडश शस्त्राणि षोडशभिर् अक्षरैर् आदत्ते द्वे वा अक्षरे अतिरिच्येते षोडशिनो ऽनुष्टुभम् अभिसंपन्नस्य वाचो वा एतौ स्तनौ सत्यानृते वाव ते अवत्य् एनं सत्यं नैनम् अनृतं हिनस्ति य एवं वेद य एवं वेद ॥ १९ ॥ इत्य् अथर्ववेदे गोपथब्राह्मणोत्तरभागे चतुर्थः प्रपाठकः ॥

tad āhuḥ kiṃ ṣoḍaśinaḥ ṣoḍaśitvam ṣoḍaśa stotrāṇi ṣoḍaśa śastrāṇi ṣoḍaśabhir akṣarair ādatte dve vā akṣare atiricyete ṣoḍaśino 'nuṣṭubham abhisaṃpannasya vāco vā etau stanau satyānṛte vāva te avaty enaṃ satyaṃ nainam anṛtaṃ hinasti ya evaṃ veda ya evaṃ veda || 19 || ity atharvavede gopathabrāhmaṇottarabhāge caturthaḥ prapāṭhakaḥ ||

They ask, 'What makes the rite of the sixteenth chant sixteenth?' There are sixteen sung praises and sixteen recitations. He takes it up with sixteen syllables. Two syllables remain over when the sixteenth comes to correspond to the anuṣṭubh. These are two breasts of Speech. They are truth and untruth. Truth protects him and untruth does him no harm, he who knows this, he who knows this. Here ends the fourth prapāṭhaka of the second part of the Gopatha Brahmana in the Atharvaveda.

AI draft translation, not yet reviewed

Report an error

Illustration: Verse & Place (Project-owned).