॥ ईश्वर उवाच ॥ ॥ । ततो गच्छेन्महादेवि शांडिल्येश्वरमुत्तमम् ॥ । ब्रह्मणः पश्चिमे भागे धनुषां षोडशांतरे ॥ १ ॥
|| īśvara uvāca || || | tato gacchenmahādevi śāṃḍilyeśvaramuttamam || | brahmaṇaḥ paścime bhāge dhanuṣāṃ ṣoḍaśāṃtare || 1 ||
प्रभासक्षेत्र माहात्म्यम् · अध्यायः १२६
A chapter of the Skanda Purana.
7 versesSanskrit with transliteration
॥ ईश्वर उवाच ॥ ॥ । ततो गच्छेन्महादेवि शांडिल्येश्वरमुत्तमम् ॥ । ब्रह्मणः पश्चिमे भागे धनुषां षोडशांतरे ॥ १ ॥
|| īśvara uvāca || || | tato gacchenmahādevi śāṃḍilyeśvaramuttamam || | brahmaṇaḥ paścime bhāge dhanuṣāṃ ṣoḍaśāṃtare || 1 ||
महाप्रभावं लिङ्गं तद्दर्शनात्पापनाशनम् ॥ २ ॥
mahāprabhāvaṃ liṅgaṃ taddarśanātpāpanāśanam || 2 ||
शांडिल्योनाम ब्रह्मर्षिः सारथिर्ब्रह्मणः स्मृतः ॥ । तपस्वी स महातेजा ज्ञाननिष्ठो जितेन्द्रियः ॥ ३ ॥
śāṃḍilyonāma brahmarṣiḥ sārathirbrahmaṇaḥ smṛtaḥ || | tapasvī sa mahātejā jñānaniṣṭho jitendriyaḥ || 3 ||
स प्रभासं समासाद्य तपस्तेपे सुदारुणम् ॥ । प्रतिष्ठाप्य महालिंगं सोमेशादुत्तरे स्थितम् ॥ ४ ॥
sa prabhāsaṃ samāsādya tapastepe sudāruṇam || | pratiṣṭhāpya mahāliṃgaṃ someśāduttare sthitam || 4 ||
स स्वयं पूजयामास दिव्याब्दानां शतं प्रिये ॥ । ततोऽभिलषितं प्राप्य कृतकृत्यो बभूव ह ॥ ५ ॥
sa svayaṃ pūjayāmāsa divyābdānāṃ śataṃ priye || | tato'bhilaṣitaṃ prāpya kṛtakṛtyo babhūva ha || 5 ||
नन्दीश्वरप्रसादेन अणिमादिगुणैर्युतः ॥ । तं दृष्ट्वा तु नरः सद्यो विपापः संप्रजायते ॥ ६ ॥
nandīśvaraprasādena aṇimādiguṇairyutaḥ || | taṃ dṛṣṭvā tu naraḥ sadyo vipāpaḥ saṃprajāyate || 6 ||
बाल्ये वयसि यत्पापं वार्धक्ये यौवनेऽपि वा ॥ । अज्ञानाज्ज्ञानतो वाऽपि यः करोति नरः प्रिये ॥ । तत्सर्वं नाशमायाति शांडिल्येश्वरदर्शनात् ॥ ७ ॥
bālye vayasi yatpāpaṃ vārdhakye yauvane'pi vā || | ajñānājjñānato vā'pi yaḥ karoti naraḥ priye || | tatsarvaṃ nāśamāyāti śāṃḍilyeśvaradarśanāt || 7 ||
Keys: ← → turn the page, J K step through the verses.
Illustration: Verse & Place (Project-owned).