॥ सूत उवाच ॥ ॥ । धृतराष्ट्रेण भूपेन शतपुत्रान्वितेन च ॥ । लिंगानां स्थापितं तत्र शतमेकोत्तरं द्विजाः ॥ १ ॥
|| sūta uvāca || || | dhṛtarāṣṭreṇa bhūpena śataputrānvitena ca || | liṃgānāṃ sthāpitaṃ tatra śatamekottaraṃ dvijāḥ || 1 ||
नागरखण्डः · अध्यायः ७४
A chapter of the Skanda Purana.
16 versesSanskrit with transliteration
॥ सूत उवाच ॥ ॥ । धृतराष्ट्रेण भूपेन शतपुत्रान्वितेन च ॥ । लिंगानां स्थापितं तत्र शतमेकोत्तरं द्विजाः ॥ १ ॥
|| sūta uvāca || || | dhṛtarāṣṭreṇa bhūpena śataputrānvitena ca || | liṃgānāṃ sthāpitaṃ tatra śatamekottaraṃ dvijāḥ || 1 ||
तथा च पांडवैः सर्वैः स्थापितं लिंगपंचकम् ॥ । द्रौपद्या चाऽथ कुन्त्याऽथ गांधार्याऽथ यदृच्छया ॥ २ ॥
tathā ca pāṃḍavaiḥ sarvaiḥ sthāpitaṃ liṃgapaṃcakam || | draupadyā cā'tha kuntyā'tha gāṃdhāryā'tha yadṛcchayā || 2 ||
भानुमत्या च गौरीणां स्थापितं च चतुष्टयम् ॥ । विदुरेणाथ शल्येन कलिं गेन युयुत्सुना ॥ ३ ॥
bhānumatyā ca gaurīṇāṃ sthāpitaṃ ca catuṣṭayam || | vidureṇātha śalyena kaliṃ gena yuyutsunā || 3 ||
बाह्लीकेन सपुत्रेण कर्णेनाथ ससूनुना ॥ । तथा शकुनिना तत्र द्रोणेन च कृपेण च ॥ ४ ॥
bāhlīkena saputreṇa karṇenātha sasūnunā || | tathā śakuninā tatra droṇena ca kṛpeṇa ca || 4 ||
अश्वत्थाम्ना पृथक्त्वेन लिङ्गमेकैकमुत्तमम् ॥ । स्थापितं परया भक्त्या वरप्रासादमाश्रितम् ॥ ५ ॥
aśvatthāmnā pṛthaktvena liṅgamekaikamuttamam || | sthāpitaṃ parayā bhaktyā varaprāsādamāśritam || 5 ||
तथा संस्थापितं तत्र विष्णुना प्रभविष्णुना ॥ । लिंगं प्रासादमाधाय प्रोत्तुंगशिखरान्वितम् ॥ ६ ॥
tathā saṃsthāpitaṃ tatra viṣṇunā prabhaviṣṇunā || | liṃgaṃ prāsādamādhāya prottuṃgaśikharānvitam || 6 ||
सात्वतेनापि सांबेन बलभद्रेण धीमता ॥ । प्रद्युमेनानिरुद्धेन तथान्यैर्मुख्ययादवैः ॥ ७ ॥
sātvatenāpi sāṃbena balabhadreṇa dhīmatā || | pradyumenāniruddhena tathānyairmukhyayādavaiḥ || 7 ||
चारुदेष्णादिभिः पुत्रै रुक्मिण्या दशभिः सुतैः ॥ । लिंगानां दशकं मुख्यं स्थापितं श्रद्धयान्वितैः ॥ ८ ॥
cārudeṣṇādibhiḥ putrai rukmiṇyā daśabhiḥ sutaiḥ || | liṃgānāṃ daśakaṃ mukhyaṃ sthāpitaṃ śraddhayānvitaiḥ || 8 ||
एवं संस्थाप्य लिङ्गानि ते सर्वे कुरुपांडवाः ॥ । यादवाश्च सुसंहृष्टा कृतकृत्यास्तदा। ऽभवन् ॥ ९ ॥
evaṃ saṃsthāpya liṅgāni te sarve kurupāṃḍavāḥ || | yādavāśca susaṃhṛṣṭā kṛtakṛtyāstadā| 'bhavan || 9 ||
तत्र स्थित्वा चिरं कालं दत्त्वा दानान्यनेकशः ॥ । धनाढ्यान्ब्राह्मणान्कृत्वा चमत्कारपुरोद्भवान् ॥ १० ॥
tatra sthitvā ciraṃ kālaṃ dattvā dānānyanekaśaḥ || | dhanāḍhyānbrāhmaṇānkṛtvā camatkārapurodbhavān || 10 ||
दत्त्वा तेभ्यो वरान्नागान्ह याञ्जात्याननेकशः॥ । सद्ग्रामाणि विचित्राणि क्षेत्राणि च सुधेनवः ॥ ११ ॥
dattvā tebhyo varānnāgānha yāñjātyānanekaśaḥ|| | sadgrāmāṇi vicitrāṇi kṣetrāṇi ca sudhenavaḥ || 11 ||
महोक्षांश्च सुवस्त्राणि भूस्थानान्याश्रयांस्तथा ॥ । दासीदासांस्तथा भृत्यान्दानानि विविधानि च ॥ १२ ॥
mahokṣāṃśca suvastrāṇi bhūsthānānyāśrayāṃstathā || | dāsīdāsāṃstathā bhṛtyāndānāni vividhāni ca || 12 ||
तत आमन्त्र्य तान्सर्वान्प्रणिपत्य मुहुर्मुहुः ॥ । स्वस्थानं प्रति संहृष्टाः प्रजग्मुः सर्व एव ते ॥ १३ ॥
tata āmantrya tānsarvānpraṇipatya muhurmuhuḥ || | svasthānaṃ prati saṃhṛṣṭāḥ prajagmuḥ sarva eva te || 13 ||
॥ सूत उवाच ॥ ॥ । एतद्वः सर्वमाख्यातं स्थापितं तेन भूभुजा ॥ । तथा तद्धृतराष्ट्रेण लिंगं पातकनाशनम् ॥ १४ ॥
|| sūta uvāca || || | etadvaḥ sarvamākhyātaṃ sthāpitaṃ tena bhūbhujā || | tathā taddhṛtarāṣṭreṇa liṃgaṃ pātakanāśanam || 14 ||
तथान्यैरपि भूपालैः प्राधान्येन व्यवस्थितैः ॥ । पाण्डवैर्यादवैश्चैव पृथक्त्वेन व्यवस्थितैः ॥ १५ ॥
tathānyairapi bhūpālaiḥ prādhānyena vyavasthitaiḥ || | pāṇḍavairyādavaiścaiva pṛthaktvena vyavasthitaiḥ || 15 ||
यस्तानि पुरुषः सम्यक्पूजयेद्भक्तिभावितः ॥ । स लभेच्चाखिलान्कामान्वांछितान्स्वेन चेतसा ॥ १६ ॥
yastāni puruṣaḥ samyakpūjayedbhaktibhāvitaḥ || | sa labheccākhilānkāmānvāṃchitānsvena cetasā || 16 ||
Keys: ← → turn the page, J K step through the verses.
Illustration: Verse & Place (Project-owned).