Skip to content

दशकम् ४९

Bhavatprabhāvāvidurā hi gopāstaruprapātādikamatra goṣṭhe

Ten-verse prayers to Krishna of Guruvayur retelling the Bhagavata Purana.

10 versesSanskrit with transliteration

Guruvayurappan, Krishna of Guruvayur.

भवत्प्रभावाविदुरा हि गोपास्तरुप्रपातादिकमत्र गोष्ठे । अहेतुमुत्पातगणं विशङ्क्य प्रयातुमन्यत्र मनो वितेनुः ॥ १ ॥

bhavatprabhāvāvidurā hi gopāstaruprapātādikamatra goṣṭhe | ahetumutpātagaṇaṃ viśaṅkya prayātumanyatra mano vitenuḥ || 1 ||

Report an error

तत्रोपनन्दाभिधगोपवर्यो जगौ भवत्प्रेरणयैव नूनम् । इतिः प्रतीच्यां विपिनं मनोज्ञं बृन्दावनं नाम विराजतीति ॥ २ ॥

tatropanandābhidhagopavaryo jagau bhavatpreraṇayaiva nūnam | itiḥ pratīcyāṃ vipinaṃ manojñaṃ bṛndāvanaṃ nāma virājatīti || 2 ||

Report an error

बृहद्वनं तत्खलु नन्दमुख्या विधाय गौष्ठीनमथ क्षणेन । त्वदन्वितत्वज्जननीनिविष्टगरिष्ठयानानुगता विचेलुः ॥ ३ ॥

bṛhadvanaṃ tatkhalu nandamukhyā vidhāya gauṣṭhīnamatha kṣaṇena | tvadanvitatvajjananīniviṣṭagariṣṭhayānānugatā viceluḥ || 3 ||

Report an error

अनोमनोज्ञध्वनिधेनुपाळीखुरप्रणादान्तरतो वधूभिः । भवद्विनोदालपितीक्षराणि प्रपीय नाज्ञायत मार्गदैर्घ्यम् ॥ ४ ॥

anomanojñadhvanidhenupāl̤īkhurapraṇādāntarato vadhūbhiḥ | bhavadvinodālapitīkṣarāṇi prapīya nājñāyata mārgadairghyam || 4 ||

Report an error

निरीक्ष्य बृन्दावनमीश नन्दत्प्रसूनकुन्दप्रमुखद्रुमौघम् । अमोदथाश्शाद्वलसान्द्रलक्ष्म्या हरिन्मणीकुट्टिमपुष्टशोभम् ॥ ५ ॥

nirīkṣya bṛndāvanamīśa nandatprasūnakundapramukhadrumaugham | amodathāśśādvalasāndralakṣmyā harinmaṇīkuṭṭimapuṣṭaśobham || 5 ||

Report an error

नवाकनिर्व्युढनिवासभेदेष्वशेषगोपेषु सुखासितेषु । वनश्रियं गोपकिशोरपालीविमिश्रितः पर्यगलोकथास्त्वम् ॥ ६ ॥

navākanirvyuḍhanivāsabhedeṣvaśeṣagopeṣu sukhāsiteṣu | vanaśriyaṃ gopakiśorapālīvimiśritaḥ paryagalokathāstvam || 6 ||

Report an error

अराळमार्गागतनिर्मलापां मराळकुजाकृतनर्मलापाम् । निरन्तरस्मेरसरोजवक्त्रां कळिन्दकन्यां समलोकयस्त्वम् ॥ ७ ॥

arāl̤amārgāgatanirmalāpāṃ marāl̤akujākṛtanarmalāpām | nirantarasmerasarojavaktrāṃ kal̤indakanyāṃ samalokayastvam || 7 ||

Report an error

मयूरकेकाशतलोभनीयं म्यूखमीलशबळं मणीनाम् । विरिञ्चलोकस्पृशमुच्चशृङ्गैर्गिरिं च गोवर्धनमैक्षथास्त्वम् ॥ ८ ॥

mayūrakekāśatalobhanīyaṃ myūkhamīlaśabal̤aṃ maṇīnām | viriñcalokaspṛśamuccaśṛṅgairgiriṃ ca govardhanamaikṣathāstvam || 8 ||

Report an error

समं ततो गोपकुमारकैस्त्वं समन्ततो यत्र वनान्तमागाः । ततस्ततस्तां कृटिलामपश्यः कळिन्दजां रागवतीमिवैकाम् ॥ ९ ॥

samaṃ tato gopakumārakaistvaṃ samantato yatra vanāntamāgāḥ | tatastatastāṃ kṛṭilāmapaśyaḥ kal̤indajāṃ rāgavatīmivaikām || 9 ||

Report an error

तथाविधेऽस्मिन्विपिने पशव्ये समुत्सुको वत्सगणप्रचारे । चरन्सरामोऽथ कुमारकैस्त्वं समीरगेहाधिप पाहि रोगात् ॥ १० ॥

tathāvidhe'sminvipine paśavye samutsuko vatsagaṇapracāre | caransarāmo'tha kumārakaistvaṃ samīragehādhipa pāhi rogāt || 10 ||

Report an error

Illustration: Verse & Place (Project-owned).