Skip to content

दशकम् ३

Paṭhanto nāmāni pramadabharasindhau nipatitāḥ

Ten-verse prayers to Krishna of Guruvayur retelling the Bhagavata Purana.

10 versesSanskrit with transliteration

Guruvayurappan, Krishna of Guruvayur.

पठन्तो नामानि प्रमदभरसिन्धौ निपतिताः । स्मरन्तो रूपं ते वरद कथयन्तो गुणकथाः । चरन्तो ये भक्तास्त्वयि खलु रमन्ते परममू । नहं धन्यान्मन्ये समधिगतसर्वाभिलषितान् ॥ १ ॥

paṭhanto nāmāni pramadabharasindhau nipatitāḥ | smaranto rūpaṃ te varada kathayanto guṇakathāḥ | caranto ye bhaktāstvayi khalu ramante paramamū | nahaṃ dhanyānmanye samadhigatasarvābhilaṣitān || 1 ||

Report an error

गदक्लिष्टं कष्टं तव चरणसेवारसभरेऽ । प्यनासक्तं चित्तं भवति बत विष्णो कुरु दयाम् । भवत्पादाम्भोजस्मरणरसिको नामनिवहा । नहं गायंगायं कुहचन विवत्स्यामि विजने ॥ २ ॥

gadakliṣṭaṃ kaṣṭaṃ tava caraṇasevārasabhare' | pyanāsaktaṃ cittaṃ bhavati bata viṣṇo kuru dayām | bhavatpādāmbhojasmaraṇarasiko nāmanivahā | nahaṃ gāyaṃgāyaṃ kuhacana vivatsyāmi vijane || 2 ||

Report an error

कृपा ते जाता चेत्किमिव न हि लभ्यं तनुभृतां । मदीयक्लेशौघप्रशमनदशा नाम कियती । न के के लोकेऽस्मिन्ननिशमयि शोकाभिरहिता । भवद्भक्ता मुक्ताः सुखगतिमसक्ता विदधते ॥ ३ ॥

kṛpā te jātā cetkimiva na hi labhyaṃ tanubhṛtāṃ | madīyakleśaughapraśamanadaśā nāma kiyatī | na ke ke loke'sminnaniśamayi śokābhirahitā | bhavadbhaktā muktāḥ sukhagatimasaktā vidadhate || 3 ||

Report an error

मुनिप्रौढा रूढा जगति खलु गूढात्मगतयो । भवत्पादाम्भोजस्मरणविरुजो नारदमुखाः । चरन्तीश स्वैरं सततपरिनिर्भातपरचित् । सदानन्दाद्वैतप्रसरपरिमग्नाः किमपरम् ॥ ४ ॥

muniprauḍhā rūḍhā jagati khalu gūḍhātmagatayo | bhavatpādāmbhojasmaraṇavirujo nāradamukhāḥ | carantīśa svairaṃ satataparinirbhātaparacit | sadānandādvaitaprasaraparimagnāḥ kimaparam || 4 ||

Report an error

भवद्भक्तिः स्फीता भवतु मम सैव प्रशमये । दशेषक्लेशौघं न खलु हृदि सन्देहकणिका । न चेद्व्यासस्योक्तिस्तव च वचनं नैगमवचो । भवेन्मिथ्या रथ्यापुरुषवचनप्रायमखिलम् ॥ ५ ॥

bhavadbhaktiḥ sphītā bhavatu mama saiva praśamaye | daśeṣakleśaughaṃ na khalu hṛdi sandehakaṇikā | na cedvyāsasyoktistava ca vacanaṃ naigamavaco | bhavenmithyā rathyāpuruṣavacanaprāyamakhilam || 5 ||

Report an error

भवद्भक्तिस्तावत्प्रमुखमधुरा त्वाद्गुणरसात् । किमप्यारूढा चेदखिलपरितापप्रशमनी । पुनश्चान्ते स्वान्ते विमलपरि बोधोदयमिळन् । महानन्दाद्वैतं दिशति किमतः प्रार्थ्यमपरम् ॥ ६ ॥

bhavadbhaktistāvatpramukhamadhurā tvādguṇarasāt | kimapyārūḍhā cedakhilaparitāpapraśamanī | punaścānte svānte vimalapari bodhodayamil̤an | mahānandādvaitaṃ diśati kimataḥ prārthyamaparam || 6 ||

Report an error

विधूय क्लेशान्मे कुरु चरणयुग्मं धृतरसं । भवत्क्षेत्रप्राप्तौ करमपि च ते पूजनविधौ । भवन्मूर्त्यालोके नयनमथ ते पादतुलसी । परिघ्राणे घ्राणं श्रवणमपि ते चारुचरिते ॥ ७ ॥

vidhūya kleśānme kuru caraṇayugmaṃ dhṛtarasaṃ | bhavatkṣetraprāptau karamapi ca te pūjanavidhau | bhavanmūrtyāloke nayanamatha te pādatulasī | parighrāṇe ghrāṇaṃ śravaṇamapi te cārucarite || 7 ||

Report an error

प्रभूताधिव्याधिप्रसभcअलिते मामकहृदि । त्वदीयं तद्रूपं परमसुखचिद्रूपमुदियात् । उदञ्चद्रोमाञ्चो गलितबहुहर्षाश्रुनिवहो । यथा विस्मर्यासं दुरुपशमपीडापरिभवान् ॥ ८ ॥

prabhūtādhivyādhiprasabhacalite māmakahṛdi | tvadīyaṃ tadrūpaṃ paramasukhacidrūpamudiyāt | udañcadromāñco galitabahuharṣāśrunivaho | yathā vismaryāsaṃ durupaśamapīḍāparibhavān || 8 ||

Report an error

मरुद्गेहाधीश त्वयि खलु पराञ्चोऽपि सुखिनो । भवत्स्नेही सोऽहं सुबहु परितप्ये च किमिदम् । अकीर्तिस्ते मा भूद्वरद गदभारं प्रशमयन् । भवत्भक्तोत्तंसं झटिति कुरु मां कंसदमन ॥ ९ ॥

marudgehādhīśa tvayi khalu parāñco'pi sukhino | bhavatsnehī so'haṃ subahu paritapye ca kimidam | akīrtiste mā bhūdvarada gadabhāraṃ praśamayan | bhavatbhaktottaṃsaṃ jhaṭiti kuru māṃ kaṃsadamana || 9 ||

Report an error

किमुक्तैर्भूयोभिस्तव हि करुणा यावदुदिया । दहं तावद्देव प्रहितविविधार्तप्रलपितः । पुरः क्लृप्ते पादे वरद तव नेष्यामि दिवसान् । यथाशक्ति व्यक्तं नतिनुतिनिषेवा विरचयन् ॥ १० ॥

kimuktairbhūyobhistava hi karuṇā yāvadudiyā | dahaṃ tāvaddeva prahitavividhārtapralapitaḥ | puraḥ klṛpte pāde varada tava neṣyāmi divasān | yathāśakti vyaktaṃ natinutiniṣevā viracayan || 10 ||

Report an error

Illustration: Verse & Place (Project-owned).