समनुस्मृततावकाङ्घ्रियुग्मः स मनुः पङ्कजसम्भवाङ्गजन्मा । निजमन्तरमन्तरायहीनं चरितं ते कथयन्सुखं निनाय ॥ १ ॥
samanusmṛtatāvakāṅghriyugmaḥ sa manuḥ paṅkajasambhavāṅgajanmā | nijamantaramantarāyahīnaṃ caritaṃ te kathayansukhaṃ nināya || 1 ||
दशकम् १४
Ten-verse prayers to Krishna of Guruvayur retelling the Bhagavata Purana.
10 versesSanskrit with transliteration
समनुस्मृततावकाङ्घ्रियुग्मः स मनुः पङ्कजसम्भवाङ्गजन्मा । निजमन्तरमन्तरायहीनं चरितं ते कथयन्सुखं निनाय ॥ १ ॥
samanusmṛtatāvakāṅghriyugmaḥ sa manuḥ paṅkajasambhavāṅgajanmā | nijamantaramantarāyahīnaṃ caritaṃ te kathayansukhaṃ nināya || 1 ||
समये खलु तत्र कर्दमाख्यो द्रुहिणच्छायभवस्तदीयवाचा । धृतसर्गरसो निसर्गरम्यं भगवंस्त्वामयुतं समाः सिषेवे ॥ २ ॥
samaye khalu tatra kardamākhyo druhiṇacchāyabhavastadīyavācā | dhṛtasargaraso nisargaramyaṃ bhagavaṃstvāmayutaṃ samāḥ siṣeve || 2 ||
गरुडोपरि काळमेघकम्रं विलसत्केलिसरोजपाणिपद्मम् । हसितोल्लसिताननं विभो त्वं वपुराविष्कुरुषे स्म कर्दमाय ॥ ३ ॥
garuḍopari kāl̤ameghakamraṃ vilasatkelisarojapāṇipadmam | hasitollasitānanaṃ vibho tvaṃ vapurāviṣkuruṣe sma kardamāya || 3 ||
स्तुवते पुलकावृताय तस्मै मनुपुत्रीं दयितां नवापि पुत्रीः । कपिलं च सुतं स्वमेव पश्चात् स्वगतिं चाप्यनुगृह्य निर्गतोऽभूः ॥ ४ ॥
stuvate pulakāvṛtāya tasmai manuputrīṃ dayitāṃ navāpi putrīḥ | kapilaṃ ca sutaṃ svameva paścāt svagatiṃ cāpyanugṛhya nirgato'bhūḥ || 4 ||
स मनुश्शतरूपया महिष्या गुणवत्या सुतया च देवहूत्या । भवदीरितनारदोपदिष्टस्समगात्कर्दममागतिप्रतीक्षम् ॥ ५ ॥
sa manuśśatarūpayā mahiṣyā guṇavatyā sutayā ca devahūtyā | bhavadīritanāradopadiṣṭassamagātkardamamāgatipratīkṣam || 5 ||
मनुनोपहृतां च देवहूतिं तरुणीरत्नमवाप्य कर्दमोऽसौ । भवदर्चननिर्वृतोऽपि तस्यां दृढशुश्रूषणया दधौ प्रसादम् ॥ ६ ॥
manunopahṛtāṃ ca devahūtiṃ taruṇīratnamavāpya kardamo'sau | bhavadarcananirvṛto'pi tasyāṃ dṛḍhaśuśrūṣaṇayā dadhau prasādam || 6 ||
सपुनस्त्वदुपासनप्रभावाद्दयिताकामकृते कृते विमाने । वनिताकुलसङ्कुलो नवात्मा व्यहरद्देवपथेषु देवहूत्या ॥ ७ ॥
sapunastvadupāsanaprabhāvāddayitākāmakṛte kṛte vimāne | vanitākulasaṅkulo navātmā vyaharaddevapatheṣu devahūtyā || 7 ||
शतवर्षमथ व्यतीत्य सोऽयं नव कन्याः समवाप्य धन्यरूपाः । वनयानसमुद्यतोऽपि कान्ताहितकृत्त्वज्जननोत्सुको न्यवात्सीत् ॥ ८ ॥
śatavarṣamatha vyatītya so'yaṃ nava kanyāḥ samavāpya dhanyarūpāḥ | vanayānasamudyato'pi kāntāhitakṛttvajjananotsuko nyavātsīt || 8 ||
निजभर्तृगिरा भवन्निषेवा निरतायामथ देव देवहूत्याम् । कपिलस्त्वमजायथा जनानां प्रथयिष्यन्परमात्मतत्त्वविद्याम् ॥ ९ ॥
nijabhartṛgirā bhavanniṣevā niratāyāmatha deva devahūtyām | kapilastvamajāyathā janānāṃ prathayiṣyanparamātmatattvavidyām || 9 ||
वनमेयुषि कर्दमे प्रसन्ने मतसर्वस्वमुपादिशञ्जनन्यै । कपिलात्मक वायुमदिरेशत्वरितं त्वं परिपाहि मां गदौघात् ॥ १० ॥
vanameyuṣi kardame prasanne matasarvasvamupādiśañjananyai | kapilātmaka vāyumadireśatvaritaṃ tvaṃ paripāhi māṃ gadaughāt || 10 ||
Keys: ← → turn the page, J K step through the verses.
Illustration: Verse & Place (Project-owned).