Skip to content

दशकम् १०

Vaikuṇṭha vardhitabalo'tha bhavatprasādā

Ten-verse prayers to Krishna of Guruvayur retelling the Bhagavata Purana.

10 versesSanskrit with transliteration

Guruvayurappan, Krishna of Guruvayur.

वैकुण्ठ वर्धितबलोऽथ भवत्प्रसादा । दम्भोजयोनिरसृजत्किल जीवदेहान् । स्थास्नूनि भूरुहमयानि तथा तिरश्चां । जातिं मनुष्यनिवहानपि देवभेदान् ॥ १ ॥

vaikuṇṭha vardhitabalo'tha bhavatprasādā | dambhojayonirasṛjatkila jīvadehān | sthāsnūni bhūruhamayāni tathā tiraścāṃ | jātiṃ manuṣyanivahānapi devabhedān || 1 ||

Report an error

मिथ्याग्रहास्मिमतिरागविकोपभीति । रज्ञानवृत्तिमिति पञ्चविधां स सृष्ट्वा । उद्दामतामसपदार्थविधानदून । स्तेने त्वदीयचरणस्मरणं विशुद्ध्यै ॥ २ ॥

mithyāgrahāsmimatirāgavikopabhīti | rajñānavṛttimiti pañcavidhāṃ sa sṛṣṭvā | uddāmatāmasapadārthavidhānadūna | stene tvadīyacaraṇasmaraṇaṃ viśuddhyai || 2 ||

Report an error

तावत्ससर्ज मनसा सनकं सनन्दं । भूयं सनातनमुनिं च सनत्कुमारम् । ते सृष्टिकर्मणि तु तेन नियुज्यमाना । स्त्वत्पादभक्तिरसिका जगृहुर्न वाणीम् ॥ ३ ॥

tāvatsasarja manasā sanakaṃ sanandaṃ | bhūyaṃ sanātanamuniṃ ca sanatkumāram | te sṛṣṭikarmaṇi tu tena niyujyamānā | stvatpādabhaktirasikā jagṛhurna vāṇīm || 3 ||

Report an error

तावत्प्रकोपमुदितं प्रतिरुन्धतोऽस्य । भ्रूमध्यतोऽजनि मृडो भवदेकदेशः । नामानि मे कुरु पदानि च हा विरिञ्चे । त्यादौ रुरोद किल तेन स रुद्रनामा ॥ ४ ॥

tāvatprakopamuditaṃ pratirundhato'sya | bhrūmadhyato'jani mṛḍo bhavadekadeśaḥ | nāmāni me kuru padāni ca hā viriñce | tyādau ruroda kila tena sa rudranāmā || 4 ||

Report an error

एकादशाह्वयतया च विभिन्नरूपं । रुद्रं विधाय दयिता वनिताश्च दत्त्वा । तावन्त्यदत्त च पदानि भवत्प्रणुन्नः । प्राह प्रजाविरचनाय च सादरं तम् ॥ ५ ॥

ekādaśāhvayatayā ca vibhinnarūpaṃ | rudraṃ vidhāya dayitā vanitāśca dattvā | tāvantyadatta ca padāni bhavatpraṇunnaḥ | prāha prajāviracanāya ca sādaraṃ tam || 5 ||

Report an error

रुद्राभिसृष्टभयदाकृतिरुद्रसंघ । संपूर्यमाणाभुवनत्रयभीतचेताः । मा मा प्रजाः सृज तपश्चर मङ्गलाये । त्याचष्ट तं कमलभूर्भवदीरितात्मा ॥ ६ ॥

rudrābhisṛṣṭabhayadākṛtirudrasaṃgha | saṃpūryamāṇābhuvanatrayabhītacetāḥ | mā mā prajāḥ sṛja tapaścara maṅgalāye | tyācaṣṭa taṃ kamalabhūrbhavadīritātmā || 6 ||

Report an error

तस्याथ सर्गरसिकस्य मरीचिरत्रि । स्तत्राङ्गिराः क्रतुमिनिः पुलहः पुलस्त्यः । अङ्गादजायत भृगुश्च वसिष्ठदक्षौ । श्रीनारदश्च भगवन् भवदंघ्रिदासः ॥ ७ ॥

tasyātha sargarasikasya marīciratri | statrāṅgirāḥ kratuminiḥ pulahaḥ pulastyaḥ | aṅgādajāyata bhṛguśca vasiṣṭhadakṣau | śrīnāradaśca bhagavan bhavadaṃghridāsaḥ || 7 ||

Report an error

धर्मादिकानभ्सृजन्नथ कर्दमं च । वाणीं विधाय विधिरङ्गजसङ्कुलोऽभूत् । त्वद्बोधितैः सनकदक्षमुखैस्तनूजै । रुद्बोधितश्च विरराम तमो विमुञ्चन् ॥ ८ ॥

dharmādikānabhsṛjannatha kardamaṃ ca | vāṇīṃ vidhāya vidhiraṅgajasaṅkulo'bhūt | tvadbodhitaiḥ sanakadakṣamukhaistanūjai | rudbodhitaśca virarāma tamo vimuñcan || 8 ||

Report an error

वेदान्पुराणनिवहानपि सर्वविद्याः । कुर्वन्निजाननगणाच्चतुराननोऽसौ । पुत्रेषु तेषु विनिधाय स सर्गवृद्धि । मप्राप्नुवंस्तव पदाम्बुजमाश्रितोऽभूत् ॥ ९ ॥

vedānpurāṇanivahānapi sarvavidyāḥ | kurvannijānanagaṇāccaturānano'sau | putreṣu teṣu vinidhāya sa sargavṛddhi | maprāpnuvaṃstava padāmbujamāśrito'bhūt || 9 ||

Report an error

जानन्नुपायमथ देहमजो विभज्य । स्त्रीपुंसभावमभजन्मनुतद्वधूभ्याम् । ताभ्यां च मानुषकुलानि विवर्धयंस्त्वं । गोविन्द मारुतपुरेश निरुन्धि रोगान् ॥ १० ॥

jānannupāyamatha dehamajo vibhajya | strīpuṃsabhāvamabhajanmanutadvadhūbhyām | tābhyāṃ ca mānuṣakulāni vivardhayaṃstvaṃ | govinda mārutapureśa nirundhi rogān || 10 ||

Report an error

Illustration: Verse & Place (Project-owned).